Wednesday, April 06, 2011

'எரியும் வயிறுகளும் எரியாத அடுப்புகளும்

சேலம் மாவட்ட தமுஎகச 6.4.11 அன்று நடத்திய

'எரியும் வயிறுகளும் எரியாத அடுப்புகளும்' கவியரங்கத்தில்

வாசிக்கப்பட்ட எனது கவிதை.

(உரைநடைக் கவிதை ..!)

*************************************************


ராசாத்திக்கு எப்போதும் வருவது போல்

அதே கனவு இன்றும் வந்து போனது நினைவுக்கு வந்தது

ஓட்டுக் கேட்டு செல்லும்

ஆட்டோவைப் பார்த்ததும் ,


கிடைக்காமல் போன ரேசன் கார்டும்,

வாக்காளர் அட்டையும்,

இலவச தொலைக்காட்சியும்,

உதவிப் பணங்களும் .அவள்

கனவிலும், நித்தமும் கன்னாமூச்சியாடின .


வாடகைக் குடிசையில்

வாழ்க்கை நடத்துவதால்,

ரேசன் கார்டு கேட்டு எத்தனை மனுக் கொடுத்தாலும்,

புதிது புதுதாய் எதையாவது கேட்டு ,

அலைக்கலிக்கும் அதிகாரிகளிடம்,

சொந்த நாட்டில் அகதியான

அவளால் ,எத்தனை வருடம் போராடினாலும்,

இதுவரை நிரூபித்து எதையும் வாங்க முடியவில்லை .


எந்த ஆதாரத்தைக் கேட்க்கிறார்கள்?

ஆயிரத்து ஐநூறு சம்பளத்தில் ,

வீட்டுவேலைக்கு போய்வரும் அவளுக்கு,

இதுவரை எதுவும் சொந்தமாக

இருந்ததில்லை ,

தன பிள்ளைகைத் தவிர ..


தினமும் குடித்து விட்டு வந்து

சண்டை போட்டு ,அவளை அரை உசிராக்கி விட்டு ,

எப்போதோ ஓடிப்போன கணவனுடனான வாழ்வைப்போல ,

துரதிஷ்டம் தொடர்ந்தே வருகிறது ,இதிலும் அவளுக்கு,


பாதியிலே படிப்புக்கு

முழுக்குப் போட்டு ,

வேலைக்குப் போய்

பணம் தரும் 16வயது மகனையும் ,

தேடிப்பிடுத்து ஒற்றை ரூபாய்

ரேசன் அரிசியை எத்தனை ரூபாய்க்கு

வாங்கிசமைத்தாலும், விழுங்க முயாமல் அழுது ,

முப்பது ரூபாய் அரிசிச்

சோறு கேட்கும்

சின்ன மகளும் தான், இன்று

அவளுக்கு சொந்தமும் ,சொத்தும்,


மளிகைக் கடை அரிசிச் சோறும்,

பாதி நாள் எரியாத அடுப்பும்,

என்றும் பசியால், நிறையாதிருக்கும்

மூன்று வயிறுகளும்,

விட்டுப் போன கணவனின் துன்ப

நினைவுகளின் தொடர்ச்சி போல்

கூடவே வந்து கொண்டிருக்கின்றன ,

நிரந்தர துணையாக ,அவளுக்கு..


Friday, March 04, 2011

சில்லறை பிரச்சனை

சில்லறை பிரச்சனை
-----------------------------------------
ஆண்டி முத்து ராசாக் களுக்கும் ,நீரா ராடியாக்களுக்கும் பல லட்சம் கோடியில் பிரச்சனைஎன்றால் நம்மைப் போல் பாமரார்கள் நிறைய எதிர்கொள்வது சில்லறை பிரச்சனைகளே!
பாரதி கூட இப்போதிருந்தால்
'எங்கெங்கு காணினும் சக்தியடா' என்பதற்கு பதில் சில்லறை பிரச்சனையடா என்று கவிதை பாடியிருப்பாரோ என்று தோன்று கிறது .
என்ன கொடுமையடா சாமி,சில்லறைக்காக பேரூந்து நடத்துனரிடம் , தேநீர் கடைகாரரிடம், பெட்டிக் கடைக்காரரிடம், ஆட்டோ ஓட்டுனரிடம், சாலையோர சிற்றுண்டி கடைக்காரரிடம்,ஏன் பிச்சைக் காரக் கனவான்களிடம் ,ஒரே பாட்டுதான் ! யப்பா! எல்லோருமே கையில் சில்லறையோடு வரச்சொல்லி அறைவிடாத குறையாக கேட்டுக் 'கொல் 'கிறார்கள் .எனவே குறைந்த,நீண்ட தூர ,பயனமாயினும் ,ஏன் ,அடுத்த தெருவுக்குப் போனாலும் ,அடையாள அட்டையை மட்டும் கொண்டு செல்லாமல் , குறைந்தது ஐம்மது,நூறுக்கு சில்லறைக்காசு எடுத்துச்செல்வது நலம்,
(குறிப்பு: :குறைந்த்தது சில்லறைக்கு- நூற்றுக்கு ஐந்து ருபாயாவது கமிசன் அழ வேண்டும்! )
ஹூம் என்ன செய்வது அவசரத்தில் ,எதையும் திட்டமிட்டுச செய்வதென்பது நமக்கு கைவராத கலையாயிற்றே !
இருப்பினும் ,மறக்காமல் கால் கிலோ சில்லறையோடு கனவான்களாக செல்வதே மரியாதையாக இருக்கும் போல் இருக்கிறது.!?

Thursday, January 06, 2011

வலி

வலி
-------
மெல்லிய தென்றலும்,சின்னத் தூரலுமாக
சிலிர்க்க வைக்கும் கவிதைகளை...
உணர்வுகளை உலுக்கியெடுக்கும் கவிதைகளை ,
உளத்தை வென்றெடுக்கும் உன்னத கவிதைகளை,
ரசிக்கும் போது ,எண்ணத்தோன்றுகிறது ..
உள்ளத்தையும் உடுருவும் அற்புதமானவை
இவை என்று, வாசகனாய்....
கவிஞ்னாய் மாறும்போதுதான் ,
நிச்சயம் கவிதைப் பிரசவமும் ,
கற்களைச் செதுக்கி, சிற்பம் வடிப்பது போன்று .
வலிமிகுந்ததுதானென்று....

Saturday, December 25, 2010

வடுக்கள்

முன்று நாட்களுக்கு முன்பு
துயரமா கஇருந்தது ,
கோபமாக்கியது ,
மகிழ்ச்சியைக்கொடுத்தது எல்லாமுமே ,
இன்று மாறிப்போய்....
சலனமற்று, கடந்துபோயிருந்தது ,
முன்று நாட்களுக்கு முன்பு -
சூழ்ந்திருந்த வங்கக் கடல் புயல் போல் .

வரிக்குதிரையின் கணக்கிலடங்காத
வரிகளைப்போல ...
புதிய நாளான இன்று புதிதாய் நான்..
எதிர்பார்ப்புகளுடனும்,
கண்ணுக்குதெரியாத
புதிய சில வடுக்களுடன் ....
எப்பொழுதும்போல் ..!

Monday, November 01, 2010

மழையே ..மழையே ..மீண்டு(ம்) வா ..!
-------------------------------------------

மழை பெய்யும் இரவு இன்று,
மழை பற்றியான ஏக்கம்
மனதிற்குள் எப்போதும் ...
ஒரிசாவிலும் ,ஆந்திராவிலும்,
புயல் மழை என்றாலும்,
ஏனோ.. வருத்தம் வருவது குறைவுதான் !

சாக்கடை நதியில் நகரத்தில் பயணித்தாலும்.
நல்லமழைக்கான ஏக்கம்
எங்கள் மக்களுக்கு என்றுமே...
புயலைக் கூட மகிழ்ச்சியுடன் சந்திக்க மனமிருக்கிறது
மழையுடன் வருவதால் .
காய்ந்து போன நிலதுக்காரர்களுக்கு
வெள்ளம் புயலின் வீரியம் புரிவதில்லைதான் ,,,

Wednesday, March 04, 2009

கதவு____

எங்கள் ஊரில்தட்டித் திறந்த பல கதவுகள்..
குறுகிய வீடுகளிலும் பெரிய உள்ளங்களையும்,
பெரிய வீட்டின் சில சிறிய உள்ளங்களையும்,
பரிட்சயமாக்கின.
உன்னத மனிதர்கள் பலரை
ஒரேஇடத்தில் பரிட்சயமாக்கியது,,..
திறந்ததிருந்த எங்களூர் நூலகத்தின்ஒரு
சிறு கதவு.

Sunday, April 15, 2007

மீன்காரத் தெரு நாவல்- ஜாகீர்ராஜா

இஸ்லாமிய சமூகத்தினரைப் பற்றிய படைப்புகள் அச்சமூகம் சார்ந்த படைப்பாளிகளிடமும்பிற படைப்பாளிகளிடமும் பல வந்துள்ளன. இவர்களுள் உள்ள ஏற்ற தாழ்வு குறித்தும் ,ஏழைமக்களுடைய வாழ்க்கை குறித்ததும் மலையாள எழுத்தாளர் வைக்கம் முகம்மது பžர், இங்குள்ளதோப்பில் முகம்மது மீரான் ஆகியோருடைய படைப்புகளும் ,சமீபத்திய பெண் எழுத்தாளர் சல்மா வரைபல தளங்களில் படைப்புகள் வந்திருக்கின்றன. இவற்றுல் அதிகம் பேசப்படாத சிறுபான்மையினரிலும்சிறுபான்மையினரான சாதிய ஒடுக்குமுறைக்குட்படுத்துப்படும் இஸ்லாம் சார்ந்த மக்களைப்பற்றிய படைப்பாக ஜாகீர்ராஜாவின் மீன்காரத்தெரு நாவலை குறிப்பிடலாம்.
சமத்துவம் சகோதரத்துவம் என தனது பிரகடனங்களால் ,வசதிபடைத்துவரும் ஏழையும்பிரார்த்தனையை ஒரே வரிசையில் பள்ளிவாசலில் செய்ய வேண்டும், ரம்ஜான் நோன்பிருக்க வேண்டும், ஒருவரை இன்னொருவர் தோழரே என ஆலிங்கனம் செய்தல் என, வர்க்க பேதங்களை மாற்றிட முயன்ற தத்துவம் இஸ்லாம்.ஆனால் சில பத்தாண்டுகளிலேயே இவை மாற்றமாகிப்போய் இஸ்லாமியத்திலும் பலகாலமாக இந்த பேதங்கள் பல வடிவங்களில் நீட்சியாக வந்து கொண்டுதானிக்கிறது என்பது தான் வெளிச்சம் அதிகம்படாதஉண்மையும் , குறிப்பாக ஒரு இந்திய எதார்த்தமும் ஆகும்.
சாதீய கூறுகளை வர்ணங்களாக கொண்ட நம் சமூகத்தில் இங்குள்ள இஸ்லாமும் அதையேபல வடிவங்களில் பிரதிபலிக்கிறது,சுவீகரித்திரிக்கிறது என்பதே உண்மை. இன்று இஸ்லாமிய சமூகžர்திருத்தங்களை மதம் சார்ந்த ஒற்றைக் கலாச்சாரத்தை உருவார்ந்த எத்தனிக்கும் மதப்பழமைவாதிகளுக்கு( தங்கள் மதம் சார்ந்த பழமைவாதத்தில் சிறுபான்மை மதவாதம், பெரும்பான்மை மதவாதம் என இரு சாரரின் நிலைபாடுகளும் ஒன்று போலவே இருப்பதை பார்க்கலாம்)இதனை ஏற்றுக் கொள்வதிலும், இஸ்லாத்தில் உள்ள தலித்தியம் பேசுவதிலும் நாம்இவர்களிடம் கசப்புணர்ச்சியையேகாணமுடிகிறது. சாதீயத்தை நாங்கள் ஏற்பதில்லை எதிர்க்கிறோம் என்ற வார்த்தைகளுக்குமேல்இந்த பிரச்சனைகளை பூசி மெழுகு வெளியே தெரியாமல் செய்வதிலும் அக்கறை கொண்டவர்களாக இவர்கள்இருக்கின்றனர் என்பதே உண்மை. இதை முற்போக்காளர்கள், படைப்பாளிகள் சொல்லும்போதும் வெறுப்புணர்வுடன் இத்தகைய உண்மைகள் வெளிவருவதை விரும்பாமல் மறைப்பதன்மூலமே இவர்கள் இஸ்லாமியர்களுக்கு கவுரவம் எனவும் நினைக்கின்றனர். எனக்கு தெரிந்து ஒரே ஊரில்இருக்கும் இஸ்லாமியரிடம் பரஸ்பரம் சாதாரண வணிக தொடர்புகள் இவற்றை மீறி திருமணதொடர்புகள் கொள்ளாதவர்களாக ,சின்னக்கட்சி ,பெரிய கட்சி என தங்களுக்குள் சங்கேதவார்த்தைகளுடன் இன்றளவும் இருக்கக்கூடிய இஸ்லாமிய சமூகத்தினரும் உண்டு.
ஆனால் இது அரண்மனை ரகசியாமாய் வெளியே தெரியாமல் பாதுகாக்கப்பட்டுநீண்டகாலமாக வருவதும் இன்றளவும் நிகழும் எதார்த்தம் . நாவிதம் செய்யும் இஸ்லாமியரின் வீட்டிலும்,மீன்கார தெரு நாவலில் வருவது போன்ற மீன்கார சனங்கள் போன்றோரின் வீடுகளோடும் திருமண தொடர்புகள்வைக்காத ராவுத்தர், லெப்பை பிரிவினரும் இன்னும் இருந்து வருகிறார்கள். கடற்கரையோரமீனவர்கள் மரக்காயர்கள் என்ற சற்று சமமாக மதிக்கப்பட்டாலும் ,பல பிரிவுகளாய் இருப்பதன் மூலம் தமிழ் முஸ்லீம்களிடம்சாதிய கூறுகளை உற்று நோக்கின் காணலாம்.(இவர்களில் ஒருவருக்குள் ஒருவருவர் திருமண உறவுகளுக்கு தடையேதுமில்லை என்றாலும், அரிதாகவே இன்றளவும் திருமணங்கள் இவற்றைமீறி நடைபெருகின்றன என்பதே உண்மை)
இவைகள் வெளியே தெரியாமலிருக்க முக்கிய காரணமாக இருப்பதற்கு வழினபாட்டளவில் இஸ்லாம் இங்குள்ள ஏனைய இந்து சாதியினருக்கு அன்னியமாக இருப்பதும்,அரபு மொழி பாங்கு, பிரார்த்தனை ,பெயர்கள் என நாக்கில் நுழையாததாக, மற்ற சமூகத்தினருடையபார்வையில் இவை வெளியே தெரியவராத பூடகமான விசயங்களாக இருக்கின்றன. இத்தகையசூழலில் ஜாகீர்ராஜாவினுடைய இந்த நாவல் இந்த தளத்தினுள் ஊடுருவிச் சென்று பதிவுசெய்ய முனைத்திருப்பதை வரவேற்புக்குரியது.
மீன்காரத் தெருவின் இஸ்லாமிய மக்கள் அன்றாடம் மீன் பிடித்து விற்பதிலிருந்து, சாதாரன வேலைகளூக்குப் போகும்சாமான்யர்கள். தலித் இஸ்லாமியர்களாக மேல்தட்டுஇஸ்லாமியர்களால் அவர்கள் நடத்தப்பட்டு. அவர்களுடைய உழைப்பு உறிஞ்சப்படுவதும்,மீன்காரத்தெரு பெண்கள் பங்களா
தெருக்காரர்களால் பாலியல் ரீதியாக சுரண்டப்படுவதும்ஏழ்மை அவர்களை எதையும் சகித்துக் கொள்பவர்களாக ஆக்கி வைத்திருப்பதையும் இந்நாவல் பேசுகிறது.கதை மாந்தர்கள் அவர்களுடைய மொழியிலேயேதங்கள் உணர்வுகளைச் இந்நாவலில் சொல்வது என்பது வாசிப்போரை அவர்களின் மன உணர்வுகளுக்கு அருகில் அழைத்துப்போய் பல சமயங்களில் அவர்களுடைய வேதனைகளோடு ஒன்றிப்போகவைக்கிறது. ஆமீனா பங்களாத்தெரு சலீமினால் வஞ்சிக்கப்படுவதும், வீட்டு வேலை கொடுப்பது ஜக்காத் (தானம்)கொடுப்பது என ஏழைகளாக, பிச்சைக்காரர்களாக பார்க்கும் அவர்களை ஆமீனாவின் சகோதரன்நைனா வெறுத்து வீராப்புக்காரனாக வாழ்வதும், சதா ஏழ்மையுடன் வாழ்க்கை நடத்திக்கொண்டிருக்கும் மீன்காரத்தெரு மக்களுக்கு பிற தலித் மக்கள் நண்பர்களாக அன்னியோன்யம்உள்ளவர்களாக இருப்பதும் நெகிழ்வானவை. பெருமாள்கோவில் பூசாரிக்கு சவரம் செய்யும்நாவிதன் தாழ்த்தப்பட்டவராக நடத்தப்படுவதனால் ஏற்படும் அவமானங்களால் , அவர்களுடையகுமுறல்களுடனான ஆவேசத்தையும் புரிந்து கொள்ளமுடிகிறது. நைனாவின் நண்பன் நாவிதர்சண்முகத்தின் எதிர்வினையும் அத்தகைய ஆவேசமே.
அத்தகைய மக்களின் உறவுகளும் காதலும் குமுறல்களுமே மீன்கார தெருநாவலின் கதையோட்டமாக இருக்கின்றது. நைனாவின் குழந்தையை சுமந்து இறந்துபோகும்அவனுடைய காதலி வள்ளி. பள்ளிவாசல்காரர்களால் ஏற்றுக்கொள்ளப்படாத உறவு. ஆனால்சக தலித் மக்களுடன் மீன்கார தெரு மக்களும் அவளை வள்ளிபீவியாக அங்கீகரித்து வழிபடுவதுடன்கதை நிறைவுறும் இடம் ,தங்களை கசக்கிப்பிழிந்து வாழும் மேட்டுக் குடியினருக்கு எதிரானகலக்க குரலாக இந்நாவலில் பதிவுசெய்யப்படுகிறது. நாவலின் இழுத்துச்செல்லும் நடை, இதுவரைஎழுதத் துணியாத களம் என பலவும் இந்நாவலுக்குரிய சிறப்பாக கொள்ளலாம். ஷேக்கா,ஜக்கரியா, மும்தாஜ், கருப்பி, ஆயிஷா, பாத்தம்மா, ரெஜியா என எதார்த்தமான கதைமாந்தர்களும், அவர்களின் உயிரோட்டமான உரையாடல்களும் மீன்காரத் தெரு நாவல் வாசிப்பிலும், அதன்பின் நீண்டகாலம் மனதில் நிற்கக்கூடிய கதையாகவும் இருக்கிறது.