Monday, March 07, 2016

பங்கு சந்தை வீழ்ச்சியும், இன்டர்நெட் செக்ஸ் டாக்டரும்.

                        பங்கு சந்தை வீழ்ச்சியும், இன்டர்நெட் செக்ஸ் டாக்டரும்.
      பங்குச்சந்தை சற்று மேலே போகிறது,  இல்லாவிட்டால் படுவீழ்ச்சியை மீண்டும் சந்திக்கிறது. இப்படியாக .,2015ல் இந்திய பங்குச் சந்தை இரண்டு இலட்சம் கோடிக்கு மேலும் சீனபங்குச்சந்தை ஏழு இலட்சம் கோடியும் வீழ்ச்சியடைந்தது என்று கணக்கிட்டிருக்கிறார்கள். இதில் பெருமளவு பாதிக்கப்பட்டுள்ளது சிறுமுதலீட்டாளர்கள்தான் இப்போதும்…
- - - - - - - - - =------------
      
 2001ம் ஆண்டு ,என்று நினைக்கிறேன்,என்னுடைய அத்தை பெண்ணுடைய கணவர்,ஆர்த்தோ எம்.எஸ், மருத்துவக் கல்லூரி பேராசிரியர். ஒரு குடும்ப நிகழ்ச்சியில், அவர் என்னிடம் இயல்பாக பேசிக் கொண்டிருந்த தருணத்தில், என்னிடம் இதை கேட்டப்போது திடுக்கிட்டு போனேன். அவர்
கேட்ட கேள்வி " நீ இன்டர்நெட் செக்ஸ் டாக்டரிடம் ஏமாந்து விட்டாய் "என்று சொன்னதுதான். ஒருவினாடியில் மனதில் பல விஷயங்கள் ஓடின. நான் சாதாரண செக்ஸ் சித்த வைத்தியரிடம்,லேகியம் கூட வாங்கி சாப்பிட்டதில்லையே! இந்த போடு போட்டுவிட்டாரே!இன்டர்நெட் செக்ஸ் டாக்டருக்கும் எனக்கும் என்ன சம்பந்தம்?. பேப்பரில் இ.செ. டா வுடைய லீலைகள் அரங்கேரிக்கொண்டிருந்த காலம் அது. இந்தியாவிற்கே புதுமையான ஒரு செயலில் ஈடுபட்டுக்கொண்டிருந்தார் டாக்டர் பிரகாஷ். அவர்இன்டர்நெட் வந்த புதிதான அந்த காலத்தில்,இங்கிருந்தும் அதை வேறுவிதமாக பயன்படுத்த முடியும் என்று நம்பிக்கையில்இருந்திருக்கிறார்..இந்தியாவிலிருந்து ஆபாசப் படங்களை எடுத்து வெளிநாட்டிலிருந்த ஒருவர் மூலம் பதிவேற்றி , நம் நாட்டிலிருந்து ,புது மாதிரியான சேட்டையை (சேவையை!) செய்ய ஆரம்பித்திருக்கிறார். 
      அதோடு அந்த புகார்களால், போலீஸாரின் கடும் விசாரணையின் பின்னனியில், அவருடைய விஷயம் (விஷமம்!) அப்போதைய பத்திரிகைகளில், முழுமையாக ஆக்கிரமத்துக் கொண்டது., நீன்ட விசாரனைக்குப் பின்,நீதிமன்றம் ஆயுள் தண்டனையும் 'வேறு சில குற்றங்களுக்காக , இன்னும் சிலஆண்டு சிறை தண்டனையும் அளித்தது.,சிறைச்சாலை அவரை ஆவலுடன் விழுங்கிக் கொண்டது.
      தினசரி நாளிதழ்களில் வந்த அவருடைய் ஆடம்பர பங்களாக்கள், சொகுசு பங்களாக்கள்,ஆபாச அபத்தங்கள் , பலாத்காரங்கள், பற்றி செய்திகள் ஒரு வழியாக கால வெள்ளத்தில்,மறைந்தது..
        சரி இவருக்கும் எனக்கும் என்ன சம்பந்தம்?.மொட்டை தலைக்கும் முழங்காலுக்கும் போல?!என்ற வினாவிற்கு, என் உறவினரான டாக்டர்,சிறுபுன்னகையுடன், என்னிடம் சொன்னவிஷயங்கள்ஆச்சர்யக்குறியாக நிமர்த்தியும், கேள்விக்குறியாக ,வளைத்துமிட்டன. டாக்டர் பிரகாஷ் ஒரு ஆர்த்தோ ஸ்பெஷலிஸ்ட்!(எலும்பு சிகிச்சை மருத்துவ நிபுணர்).அந்த வகையில்,அவரைஎங்கள் டாக்டர்அறிந்திருந்தார்.ஆனால் கூடுதலாக ஒருவிஷயத்தையும் அவர்எனக்குவெளிச்சமாக்கினார். 6 வருடத்திற்கு முன்பு,நான்பங்கு சந்தையில், இன்னோவேசன் மெடி எனும் நிறுவனத்தில், சிறு அளவில் முதலீடு செய்திருந்ததை அவரிடம் சொல்லியிருந்தேன்,ஹர்சத் மேத்தா ஊதிப் பெரிதாகி இருந்த நேரத்தில் ,நான் இன்னோவேசன் மெடி என்ற ஒரு மருத்துவ சாதனங்கள் விற்கும் கம்பெனியில், மிகப்பெரிய லாபம் கிடைக்கும் என்று,எனக்கு தெரிந்த பங்குச்சந்தை நிபுணர்! சிபாரிசு செய்தார்.(என்னிலும்,இளையவர்,அவரும் இந்த துறைக்கு புதியவரே ) அவர்அந்தநிறுவனம்,இந்தியாவில்,நவீனமுறையில்,விலையுயர்ந்தஸ்டீலில்,புதிதாகபந்துகிண்ணமூட்டுதயாரிக்கும் நிறுவனம் பெரும்லாபத்துடன் செயல்படுத்த போவதாகவும், முதலீட்டிற்கு 200சதவிகிதம் லாபம்  கிடைக்கும் எனவும்,அதன் நிறுவனர் பேட்டியில்  சொன்னதை, எனக்கு தெரிவித்தார். நான் அதை உறுதிபடுத்திக் கொள்ள பங்குச்சந்தை குறித்து வரும் மாத இதழில், அந்த கம்பீரமான மனிதரின் பேட்டியை படித்து உறுதிபடுத்திக் கொண்டேன்!?.பங்குச்சந்தை ஏஜன்டும் நானும் தலா 200பங்குகள்வாங்கினோம். ஒரு பங்கு 52 அளவில்
ரூ.10,800 முதலீடு செய்தேன்.  அப்போது என்னிடம் உபரி சேமிப்பாக இருந்த முழுதொகையே அவ்வளவுதான்!
        பிறகு பங்குச்சந்தை மெகா சரிவு, ஹர்சத் மேத்தாவால் ஆரம்பிக்கப்பட்டது, ஊதிப்பெருத்த அந்த பெரிய ராட்சஸ பலூன் வெடித்துச் சிதறியது.
       எங்களுடைய பங்கும் , லிஸ்டில் இருந்து காணாமல் போய்விட்ட  கொடுமையும் நிகழ்ந்தது. இன்றைய மதிப்பில் சொன்னால், எனக்கு சுமார்ரூ.50,000 நட்டம்.
      எங்கள் உறவினர் மருத்துவர், இந்தக்கதையை சொன்ன பிறகு அந்தக் கம்பெனி பங்கையும், அதன் டைரக்டர், கம்பெனி புரபைல் புத்தகத்தை, புரட்டினேன். இரண்டாம் பக்கத்தில்,கம்பீரமாக சிரித்துக் கொண்டிருந்த, அந்த கனவினைப்  பார்த்தேன். பத்திரிக்கை செய்தியில் பரபரத்த அதே ஆள்தான், டாக்டர்  பிரகாஷ்தான்!. டாக்டர் பிரகாஷ், தனது  கம்பெனியை பங்குச்சந்தையில், ஹர்சத் மேத்தாவைபோல ஊதிப்  பெருக்கும் கலையைக் கற்று, பங்கு மதிப்பை ரூ. 52 ஆக(முக  மதிப்பு ரூ.10) ஊதிப் பெரிதாக்கி, பலரிடம் கிடைத்த பணத்தில் ஒரு குறுநில மன்னரைப் போல் வாழ்ந்திருக்கிறார். எனது  உறவினரான மருத்துவ பேராசிரியர் ,சொன்னது
உண்மைதானே! எப்படியோ எனது பங்கிற்கு!,நானும்  ஏமாற்றப்பட்டிருக்கிறேன்!
      டாக்டர் பிரகாஷ் நீண்ட சிறைவாசத்திற்கு பின்பு ஒரு சில மாதங்களுக்கு முன்புதான் விடுதலையாகிய செய்தியையும், பிறகு அவருடைய பத்திரிகை பேட்டியை, ஒரு சில பத்திரி்கைகள் மட்டுமே வெளியிட்டிருந்தன. 
      சிறையில் ஏராளமாக மருத்துவ கட்டுரைகளையும், மருத்துவ புத்தகங்களும்,எழுதியுள்ளார். இனிமேல் சேவையுள்ளத்தோடு மருத்துவம் செய்யப் போவதாக உறுதி பூண்டுள்ளதாக சொல்லியுள்ளார். நம்புவோம்.!
        நிற்க. ஹர்சத் மேத்தா பல வருடங்களுக்கு முன்பு சிறையில் இறந்துவிட்டார். பங்குச்சந்தை உயர்வின்போது இந்தியாவின்அதிக வரிசெலுத்திய மனிதராக இருந்தஅவர்.பங்குச்சந்தையில் விளையாடி,பல்லாயிரம் கோடி சேர்ததிருந்தார்.  சிறு முதலீட்டார்கள் பணத்தை சின்ன மீனை விழுங்கும் சுரா வாக விழுங்கி இருந்தார்,ஆனால்,சிறையில் தான் ,பல வருடங்களுக்குப் பின் அவருடைய இறுதி மூச்சை விட்டார்..அடியேன் இதற்கு பின்பு பல  சமயங்கள் பங்குச்சந்தை பெருக்கமடைந்த போதுஆனந்தப்படவில்லை! அந்த ஆர்பாட்டங்களில் ஆசைப்படவுமில்லை. எனக்குத்தான், என் சிறிய முதலீடு ஒரு பாடம் நடத்தியிருக்கிறதே!
      புதியவர்கள் புதிது புதிதாக நுழைந்து வெற்றி பெறவும், தோல்வி அடையவும் பங்கு சந்தை திறந்தே இருக்கிறது! ஆனால் அங்கு வளைவுகளும்,  விளைவுகளும் ஏராளம்! பெரும் புள்ளி (புலி)களுக்கு மட்டும் தான் அங்கு இடம்,பூனைக்குட்டிகளுக்கு அங்கு இடமில்லை.
      பூதக்கண்ணாடியை பயன்படுத்தி ,அதன் விளம்பர எச்சரிக்கையை நீங்களும் வாசிக்கலாம்...,சிறிய எழுத்தில், சிகரட் பெட்டியில் உள்ள, மற்றும், மதுவிலுள்ளஎச்சரிக்கைவாசகங்களைப் போல....!

Monday, August 31, 2015

எலிஸாஃபே -இந்திய பயணக் கடிதங்கள்.



              நூல் 
             அறிமுகம்:  சேகு.
எலிஸாஃபே -இந்திய பயணக் கடிதங்கள்.
தமிழில் :அக்களூர் ரவி.சந்தியா பதிப்பகம், பக்கங்கள் -286.விலை ரு:200
        எலிஸாஃபே இங்கிலாந்தை சேர்ந்த 24 வயது பெண். தனது 
கணவரான  அந்தோனிஃபேவுடன் இந்திய பயணத்தை 1779ல் இங்கிலாந்திலிருந்து 
தொடங்கினார். இப்பயணத்தின் நோக்கம் ஃபே, கல்கத்தாவிலுள்ள 
உச்சநீதிமன்றத்தில் வழக்கறிஞராக பதிவு செய்து தொழில் நடத்துவதற்காகவே 
இந்தியாவில் பாரிஸ்டர்ரான  தனது கணவர் வளமான தொழில் செய்வார்,
என்ற இந்தியாவில் சம்பாதிக்கபோக நிறைந்த செல்வங்களை, கற்பனை
செய்தவாறு எலிஸாவும், கூடவே ஃபேயும் புறப்பட்டனர். இங்கிலாந்திலிருந்து 
ஐரோப்பா வழியாக ஆல்ஸ் மலை தொடரின் ஊடே  பிரான்ஸ், இத்தாலி
வழியாக ஜெனோவா துறைமுகம்   வந்தடைந்து,மரக்கலம்    மூலம்கெய்ரோ வரை  பயணமாகவும் ,பிறகு செங்கடல் வழியாக பாய்மர  கப்பல்  மூலம் 
கள்ளிக்கோட்டை வந்தடைந்தார். பின்  கோவாவிலிருந்து சென்னை வந்து, 
கல்கத்தா சென்றடைந்தார். இந்த பயணம் சுமார் ஒரு வருடகாலம் நீடித்தது. 
வழிபறி கொள்ளையர்களிடம், எதிர்ப்பாளர்களிடம் மாட்டிக் கொண்டு 
பொருள்களை இழந்து, சிறைப்படுத்தப்பட்டு, பலவித இன்னல்களை 
சந்தித்து கல்கத்தா சென்றடைந்தார். இதில் ஏன் அவர் தரை வழி
பயணத்தை தேர்ந்தெடுத்தார்  என்பதற்கான காரணம் விளங்கவில்லை. 
ஏனெனில் ஐரோப்பாவிலிருந்து இந்தியாவிற்கு வரும் கடல்வழி மார்க்கம் 
அதற்கு இருநூறு ஆண்டுகளுக்கு முன்பாகவே கண்டு பிடிக்கப்பட்டு விட்டது.
சாகசமும், துன்பங்களும் நிறைந்த  இந்த பயணத்தை எலிஸா 
மேற்கொண்டபோது ஒரு அற்புதமான செயலையும் செய்தார். தொடர்ந்து
தனது தயாருக்கும், சகோதரிக்கும் இவர் தன்னுடைய பயண விபரங்களை,
அழகான, இலக்கிய தரம் வாய்ந்த நடையில் கடிதங்களை எழுதி வந்தார். 
மழையிலும், குளிரிலும், பின் கடும் வெப்பத்திலும், எலிஸா கடிதங்களை
எழுத மறந்ததே இல்லை. அவருடைய 23 கடித தொகுப்புகளை கொண்ட 
நூலே இந்த பயண நூல்.

        250 ஆண்டு காலத்திற்கு முன் தரைவழி, கடல்வழி பயணம் எவ்வாறு
இருந்தது என்று நினைக்கும் போது ஒரு கனம் பிரமிப்பாகவும், அச்சம்
தருவதாகவும் இருந்து இருக்கிறது. இருப்பு பாதை, மோட்டார் வாகனம் 
வருவதற்கு முன்பான காலம்!. குதிரைகள் இழுக்கும் கோச்சு வண்டி பயணம்,
மலைமீது கழுதை சவாரியில் பயணித்தது, என செழுமையான ஐரோப்பிய
பள்ளதாக்குதலிலும், ஆல்ஸ் மலை தொடரை கடந்தும், மழை, கடும்பனிக்கு
நடுவில் பயணம் மேற்கொண்ட இந்த இளம்பெண்ணின் தீர மனத்தை 
நினைத்தால் வியப்பும், வியாகூலமாக நம் மனம் அதிருகிறது. ஐரோப்பா 
நெடுவிலும் பெரிய பிரச்சனைகள் எதுவுமில்லை. அதிக செலவுகளும், 
செலாவணி பிரச்சனைகளும், சமாளிக்கப்பட்டது. எலிஸாவிற்கு சிக்கனம்
கை வந்த கலை. எதையும், எந்த செலவுகளையும் தனது சிக்கன 
மனதினிலேயே பரிசிலிப்பதில் வல்லவர். கெய்ரோவில் நடைப்பெற்று 
கொண்டிருந்த அடிதடி, வழிப்பறி கலாச்சாரம் மற்றும் இஸ்லாமிய புர்கா 
கலாச்சாரம், வழி எங்கும் தான் சந்தித்த மனிதர்கள், அவர்களை பற்றிய 
விவரணை, அவர்களுடைய  சுபாவங்கள் என அழகாக  எலிஸா பதிவு 
செய்து இருப்பதுதான் இந்நூலை வாசிக்க தூண்டும் நூலாக்குகிறது.

        ஒரு வழியாக செங்கடல் வழியாக கள்ளிக்கோட்டை வந்து சேர்ந்தபோது
இவருக்கு பெரிய ஏமாற்றம். இங்கிலாந்து ஆட்சி நடைபெறும் நினைப்பில்
வந்தவருக்கு பெரும் அடி. அங்கு ஹைதர் அலியின் பட்டாளம்  இவரை 
வரவேற்றது. ஆங்கிலேயனாக இருந்த, கொடுமனம் கொண்ட கொள்ளையன், 
அய்ரேஸ் தலமையில் இவருகளுடைய பாய்மர கப்பல் சூழ்ப்பட்டு கைது
செய்யப்படுகிறார்கள். கள்ளிக்கோட்டையில் இவர்களிடம் இருந்து இன்னும் 
ஏதாவது விலைமதிப்பில்லாத பொருள்களை கைப்பற்ற வாய்ப்பு இருக்கிறதா
என்று எண்ணி இரண்டு மாதங்களுக்கு மேல் சிறை வைக்கப்பட்டனர்.
தங்களிடமிருந்து  அனைத்து பொருள்களையும் எலிஸா தம்பதினர் இழந்து
இருந்தனர். எலிஸா சில விலை உயர்ந்த சிறிய பொருள்களான கை
கடிகாரங்கள்.கை உறையில் போட்டு தந்திரமாக மறைத்து வைத்து இருந்தார்.
ஆங்கிலேயனாக இருந்தாலும் அய்ரோஸை மோசடி கொள்ளையன் 
இங்கிலாந்து பெண்மணியிடம் சக நாட்டவர் என்ற எந்த
பரிவுமில்லை.அவர்களுடைய கோவாவிற்கு செல்ல வேண்டும், பணம் இழப்பீடு
வேண்டும் என்ற  இவர்களுடைய கோரிக்கை(அங்கிருந்த பல கையூட்டு
பேர் வழிகளால்) யினால் அழைக்களிக்கப்பட்டா ர்கள். கையூட்டிற்கும் இந்தியாவிற்கும்
பல ஆயிரம் ஆண்டுகால பாரம்பரியம் இருக்குமோ?!. கிருத்துவ பாதிரியார் 
ஒருவர் அனுப்பிய எழுநூறு ரூபாயும், ஹைதர் அலி ஆட்சியர் அளித்த 
இழப்பீடு ஐநூறு ரூபாயும், கையூட்டு கொடுப்பதற்கும், சில செலவினங்கள் 
செய்வதற்கும் உதவியாக இருந்தது.

        யூத வணிக ஒருவருடைய நன்மதிப்பை பெற்று 
கள்ளிக்கோட்டையிலிருந்து  கோவா தப்பி சென்று பிறகு, கோவாலிருந்து
சென்னைபட்டினம் வந்தார். சென்னைபட்டினம்  பற்றிய இவருடைய விவரணை 
வியப்பளிக்கக்கூடியதாக இருக்கிறது. அன்றைய சென்னையின் செல்வ 
செழிப்பை அறிய முடிகிறது. அழகிய நகராக உருவாகி கொண்டிருந்த 
சென்னையை விவரிக்கிறார். அடிதட்டு மக்களுடைய வாழ்வையும் பதிவு 
செய்ய மறக்கவில்லை. சில நாட்கள் இருந்த பிறகு தம்பதிகள் கல்கத்தா 
நோக்கி பயணிக்கிறார்கள். கணவரை  பற்றிய  இவருடைய் நம்பிக்கைகளும், 
சரிவை சந்தித்து கொண்டு  இருப்பதையும் அறியமுடிகிறது. முன்கோபமும், 
விவேகமற்ற அவருடைய  அணுகுமுறையும், எலிஸாவிற்கு கலக்கத்தை 
ஏற்படுத்தி இருக்கிறது. பல தடைகளை கடந்து, செல்வம் சேர்க்க
வேண்டுமென்று இந்திய பயணத்தை  மேற்கொண்ட இவருக்கு, கணவரின் 
நிலை தொடர்ச்சியாக கவலையூட்டுவதாக  இருந்தது. பல இடங்களில்
மிஸ்டர்  ஃபேயின் குணத்திற்கு கடிவாளம் போட்டு  எலிஸாவால்
மட்டுமே நிலமையை கட்டுப்படுத்த முடிந்தது. ஒரு வழியாக
கல்கத்தாவை அடைந்து உயர்நீதிமன்றத்தில் வழக்கறிஞராக மிஸ்டர்  
ஃபே  பதிவு செய்து கொண்டார்.

        கல்கத்தா வாழ்க்கை எப்படி இருந்து இருந்திருக்கிறது? ஐரோப்பியருடைய 
ஆடம்பர வாழ்க்கை, பணிவாக இருப்பது போல இருந்து ஊதாரியான 
அவர்களுக்கே வட்டி பணம் கொடுக்கும் வேலைகாரர்கள், வெள்ளையர்கள் 
ஒருபுரம் இந்தியாவை சுரண்டி கொண்டிருக்கும்போது அவர்களுக்கு வட்டிக்கு 
பணம் வாங்கும் வழக்கத்தை ஏற்படுத்தி, அவர்களை ஓட்டாண்டி ஆக்கும் 
இந்திய தந்திரகார பணியா வணிகர்கள்  பற்றியும், மெலிந்த தேகத்தடனும்
பல  விஷயங்களில் உறுதியற்ற போக்கையும் மத  ரீதியான மன 
உறுதியையும், இந்தியர்களின் குணநலன்களாக குறிப்பிடுகிறார்.

        உடன்கட்டை ஏறும் சதிபழக்கத்தையும், பூரி ஜகநாதர் ஆலயத்தில் 
தேரோட்டத்தின் போது சக்கரத்தில் பாய்ந்து, உயிரை போக்கி கொண்டால்
மோட்சத்திற்கு போகலாம் என்ற நம்பிக்கையை பார்த்து, துயரத்துடன் பதிவு 
செய்கிறார். கணவர்  ஃபேயுடான உறவு, பெரும் கடனாளி ஆக்கி விட்ட
நிலையில் வெறும் கையுடன், ஃபேயிடமிருந்து விவாகரத்து பெறுகிறார். சில
நல்ல  உள்ளம் கொண்ட ஐரோப்பிய குடும்பங்களுடைய ஆதரவில் சில
மாதங்கள் இருந்து விட்டு இங்கிலாந்து திரும்புகிறார். இந்திய கல்கத்தா சூழல்
பிடித்துவிட்டதால் என்னவோ அதற்கு பின்பும் இந்தியா வந்து, அழகிய
தொப்பிகள் விற்கும் கடை வைத்து வாணிபம் செய்கிறார்.கல்வி நிலையம்
நடத்துகிறார். இங்கிலாந்திற்கு இரண்டு முறை போய் வருகிறார். செல்வத்தைத் 
தேடுவதில்  எலிஸா பெரிய அதிர்ஷ்டக்காரியாக இல்லையென்றாலும்
அவருடைய் போராட்ட குணம் இறுதிவரை குறையவில்லை. தனது 
அறுபதாவது வயதில் கல்கத்தாவில் மரணமடைகிறார். எலிஸாஃபேயின் 
இளமையில் புறப்பட்ட இந்த சாகச பயணம் இறுதி வரை அவரை
துணிச்சல்கராகவே ஆக்கியது. இன்றைய சூழலில் கூட இளம்பெண்கள் பயணம்
மேற்கொள்வது எவ்வளவு ஆபத்தாக(நம் தேசத்தில்)இருக்கிறது என்று
நினைக்கும் போது, எலிஸாவை, அவருடைய இலக்கிய தரமான கடிதங்களை 
அவருடைய வாழ்வை, மன உறுதியும் இந்நூல் வாசிப்பிற்கு பின்பு நம் 
மனதில் நெடுங்காலம் வெளிச்சமாக இருக்கும் என்பது திண்ணம்.

Wednesday, February 25, 2015

காக்கி சட்டைக்குள் சிகப்பு சிந்தனைகள்..

 காக்கி சட்டைக்குள் சிகப்பு சிந்தனைகள்

 நூல் ஆப் இயர்: கோ. ராமகிருஷ்ணன்
 பக்கங்கள்:206 (புகைப்படங்களுடன்)     விலை:150  (கவின் பதிப்பகம்)
                                                                                 செல் நெம்பர்: 7373014251

 நமது தா.மு.எ.க.ச. வட்டத்தில் சேலத்தில் கடந்த பத்து ஆண்டுகளாக தன்னை இணைந்து கொண்டு ஒரு படைப்பாளியாக, கவிஞராக உள்ள காவல் துறையிலிருந்து ஒய்வு பெற்ற திரு. கோ.ராமகிருஷ்ணன் தனது சுய வரலாற்றை நூலாக்கி தந்துள்ளார். பொதுவாகவே எனது வாசிப்பில் முக்கிய இடத்தை பிடிப்பது சுய வரலாற்று நூல்கலே. ஒவ்வொரு தனிமனித வாழ்க்கையிலும் தனித்துவமான அனுபவங்கள், போராட்டங்கள் என நாம் தெரிந்து கொள்ள வேண்டிய பல சுவரஸ்யமான விஷயங்கள் இருப்பதாக நான் நினைக்கிறேன். இன்றைய நாளிலிருந்து அடுத்த நாலே மனித வாழ்வை புரட்டி போடும் ஆச்சர்யங்கள் நிறைந்ததுதான். காவல்துறை போன்ற மக்களுக்கு பாதுகாப்பு அளிக்கக்கூடிய, பயமுறுத்தக்கூடிய துறையிலிருந்து தனது அனுபவங்களை எழுதி இருக்கும் மிக சிலர்தான் சுய வரலாற்று நூல்களை எழுதி உள்ளனர். சேலம் மாவட்டம்,  ஓமலூர் வட்டம்  தாரமங்கலம் அருகில் மல்லிக்குட்டை என்னும் சிறிய கிராமத்தில் பிறந்தார்.

                                      இவரது அப்பா கோபாலன் இடதுசாரி கட்சியை சேர்ந்தவர். தனது இளம் வயதில் காவல்துறையில் சேர வேண்டுமென்ற நோக்கத்தோடு சென்று காவல்துறையில் சேரபோவதை அறிந்த அவரது அப்பா கோபாலனை தடுத்து விட்டார். பிரிட்டிஷ்காரன் சுதந்திர போரட்ட வீரர்களை தடி கொண்டு தாக்குவதற்காக காவல்துறையை வைத்து இருக்கிறான். நம் சுதந்திரத்திற்கு எதிரான பிரிட்டிஷ்காரனுக்கு வேலை செய்வதா? வேண்டாம் என்று மறுத்து விட்டார். பின்பு கோபாலன் மேட்டூர் மில் தொழிலாளியாக கம்யூனிஸ்ட் கட்சியின் தொழில் சங்கத்திலிருந்து தன்னை இணைந்து பல தொழிலாளர்கள் மில்லில் சேருவதற்கும், அவர்களுக்கு பல தேவைகளை பெற்று தருவதிலும் விருப்பமுடையவராக இருந்தார். கம்யூனிஸ்ட் கட்சியின் பெருந்தலைவர்களுள் ஒருவரான பி. ராமமூர்த்தி கம்யூனிஸ்ட் கட்சி தடை செய்யப்பட்ட நேரத்தில் தலைமறைவு வாழ்க்கை மேற்கொண்டு இருந்தார். அது சமயம் கோபாலனை சந்திக்க ரகசியமாக வந்திருந்த போது ராமகிருஷ்ணன் கை குழந்தையாக இருந்த போது கோபாலன் அவருக்கு ராமமூர்த்தி அவர்களை குழந்தைக்கு பெயர் வைக்க சொல்லும் போது தனது பெயரை ராமமூர்த்தி என்றே வைத்தார். காவல்துறை தொடர்ந்து தேடி வந்த P.R. கோபாலனை சந்தித்த செய்தி போலிஸ்க்கு தெரிந்து கோபாலனை கைது செய்து கடும் சித்ரவதைக்கு உள்ளாக்கி சேலம் சிறையிலும், பிறகு கோவை சிறைக்கும் மாற்றியது. சேலம் சிறையில் அந்த காலகட்டத்திலேயே துப்பாக்கி சூடு நடத்தி கம்யூனிஸ்ட் சிறை கைதிகள் படுகொலை செய்யப்பட்டனர். கோபாலன் கோவையில் இருந்ததால் இதிலிருந்து தப்பி பிழைத்தார் என்றே சொல்லலாம். ராமமூர்த்திக்கு ராமகிருஷ்ணன் என்ற பெயர் வந்ததும் ஒரு சுவையான செய்தி இந்த நூலிநூ காக்கி சட்டைக்குள் சிகப்பு சிந்தனைகள்

 நூல் ஆப் இயர்: கோ. ராமகிருஷ்ணன்
 பக்கங்கள்:206 (புகைப்படங்களுடன்)     விலை:150  (கவின் பதிப்பகம்)
                                                                                 செல் நெம்பர்: 7373014251

 நமது தா.மு.எ.க.ச. வட்டத்தில் சேலத்தில் கடந்த பத்து ஆண்டுகளாக தன்னை இணைந்து கொண்டு ஒரு படைப்பாளியாக, கவிஞராக உள்ள காவல் துறையிலிருந்து ஒய்வு பெற்ற திரு. கோ.ராமகிருஷ்ணன் தனது சுய வரலாற்றை நூலாக்கி தந்துள்ளார். பொதுவாகவே எனது வாசிப்பில் முக்கிய இடத்தை பிடிப்பது சுய வரலாற்று நூல்கலே. ஒவ்வொரு தனிமனித வாழ்க்கையிலும் தனித்துவமான அனுபவங்கள், போராட்டங்கள் என நாம் தெரிந்து கொள்ள வேண்டிய பல சுவரஸ்யமான விஷயங்கள் இருப்பதாக நான் நினைக்கிறேன். இன்றைய நாளிலிருந்து அடுத்த நாலே மனித வாழ்வை புரட்டி போடும் ஆச்சர்யங்கள் நிறைந்ததுதான். காவல்துறை போன்ற மக்களுக்கு பாதுகாப்பு அளிக்கக்கூடிய, பயமுறுத்தக்கூடிய துறையிலிருந்து தனது அனுபவங்களை எழுதி இருக்கும் மிக சிலர்தான் சுய வரலாற்று நூல்களை எழுதி உள்ளனர். சேலம் மாவட்டம்,  ஓமலூர் வட்டம்  தாரமங்கலம் அருகில் மல்லிக்குட்டை என்னும் சிறிய கிராமத்தில் பிறந்தார்.

                                      இவரது அப்பா கோபாலன் இடதுசாரி கட்சியை சேர்ந்தவர். தனது இளம் வயதில் காவல்துறையில் சேர வேண்டுமென்ற நோக்கத்தோடு சென்று காவல்துறையில் சேரபோவதை அறிந்த அவரது அப்பா கோபாலனை தடுத்து விட்டார். பிரிட்டிஷ்காரன் சுதந்திர போரட்ட வீரர்களை தடி கொண்டு தாக்குவதற்காக காவல்துறையை வைத்து இருக்கிறான். நம் சுதந்திரத்திற்கு எதிரான பிரிட்டிஷ்காரனுக்கு வேலை செய்வதா? வேண்டாம் என்று மறுத்து விட்டார். பின்பு கோபாலன் மேட்டூர் மில் தொழிலாளியாக கம்யூனிஸ்ட் கட்சியின் தொழில் சங்கத்திலிருந்து தன்னை இணைந்து பல தொழிலாளர்கள் மில்லில் சேருவதற்கும், அவர்களுக்கு பல தேவைகளை பெற்று தருவதிலும் விருப்பமுடையவராக இருந்தார். கம்யூனிஸ்ட் கட்சியின் பெருந்தலைவர்களுள் ஒருவரான பி. ராமமூர்த்தி கம்யூனிஸ்ட் கட்சி தடை செய்யப்பட்ட நேரத்தில் தலைமறைவு வாழ்க்கை மேற்கொண்டு இருந்தார். அது சமயம் கோபாலனை சந்திக்க ரகசியமாக வந்திருந்த போது ராமகிருஷ்ணன் கை குழந்தையாக இருந்த போது கோபாலன் அவருக்கு ராமமூர்த்தி அவர்களை குழந்தைக்கு பெயர் வைக்க சொல்லும் போது தனது பெயரை ராமமூர்த்தி என்றே வைத்தார். காவல்துறை தொடர்ந்து தேடி வந்த P.R. கோபாலனை சந்தித்த செய்தி போலிஸ்க்கு தெரிந்து கோபாலனை கைது செய்து கடும் சித்ரவதைக்கு உள்ளாக்கி சேலம் சிறையிலும், பிறகு கோவை சிறைக்கும் மாற்றியது. சேலம் சிறையில் அந்த காலகட்டத்திலேயே துப்பாக்கி சூடு நடத்தி கம்யூனிஸ்ட் சிறை கைதிகள் படுகொலை செய்யப்பட்டனர். கோபாலன் கோவையில் இருந்ததால் இதிலிருந்து தப்பி பிழைத்தார் என்றே சொல்லலாம். ராமமூர்த்திக்கு ராமகிருஷ்ணன் என்ற பெயர் வந்ததும் ஒரு சுவையான செய்தி இந்த நூலிலே இருக்கிறது.

                              சிறு வயது முதலே கலை ஆர்வம் கொண்ட ராமகிருஷ்ணன் பள்ளியிலும், கல்லூரியிலும் நாடக மேடை அனுபவம் கிடைத்தது. வாணியம்பாடி கல்லூரியில் படிக்கும்போது இலக்கிய கையெழுத்து பத்திரிக்கை நடந்த அக்காலக்கட்டத்தில் பேராசிரியராக இருந்த கவிக்கோ அப்துல் ரகுமான், பேராசிரியர் அப்துல் காதர் ஆகியோர் ஊக்கம் அளித்தனர். தமிழகத்தில் பெரும் ஆளுமைகளான தந்தை பெரியார், ஜீவானந்தம் போன்ற தலைவர்களையும் இக்காலகட்டத்தில் ராமகிருஷ்ணன் பார்த்து, பேசி இருக்கிறார். அக்காலக்கட்டத்திலே நடைபெற்ற தி.மு.க. மாணவர் எழுச்சி போராட்டங்களிலும் ஆர்வத்துடன் பங்கேற்றார்.  ராமகிருஷ்ணன் சப் இன்ஸ்பெக்டராக பயிற்சி முடிந்த பின்பு ட்ரைனிங்கிற்கு வாழப்பாடி காவல் நிலையத்தில் சேர்ந்தார்.

                         பயிற்சி பள்ளியிலே சமூக அக்கறையுடைய அசோகன் என்ற காவல் ஆய்வாளரிடம் பயின்றார். ராமகிருஷ்ணனுடைய அப்பா கோபாலன் சொன்ன வார்த்தைகள் நேர்மையாக இரு, எளிய மக்களிடம் கனிவுடன் நட, சீர்திருத்தக் காரணாக செயல்படு. நேர்மையாக இருப்பதனால் எற்படும் சோதனைகளை தாங்கி கொள், நல்ல மனிதனாக இரு என்ற அறிவுரையை தனது கடமையாக ஏற்று தனது காவல்துறை பணிகாலம் முழுவதும் ராமகிருஷ்ணன் கடை பிடித்தமையும், தமிழகம் முழுவதும் பல இடங்களில் வேலை பார்த்த அனுபவங்களையும் சுவரஸ்யமான நடையில் எழுதியமைக்காக இந்நூலை நிச்சயம் பாராட்டலாம். நேர்மையாக இருப்பதுயென்பது சோதனையையும், வேதனையையும் தரக்கூடிய வாழ்க்கை முறையாக நம் சமூகம் அமைப்பு மாற்றி இருக்கிறது.

                   கையூட்டு பேர்வழிகள் ஆடம்பர வாழ்வினையும், நேர்மையாளர்கள் சோதனைகளை சந்திப்பதும் நம் சமூக அவலம். மனசோர்வு அளிக்கும் நேர்மையான பாதையைப் பற்றிய மன விசாரணை இந்நூல் எங்கும் பிரதிபலிக்கிறது. இச்சோதனையில் வென்றவராய் ராமகிருஷ்ணன் இச்சுசரிதையில் நிற்கிறார். 2005ல் கூடுதல் கண்காணிப்பாளராக இருந்து ஒய்வு பெற்றார். அவருக்கு ஒரு வாசகனாய், படைப்பாளியாய் எனது வாழ்த்துக்களை தெரிவிப்பதுடன், அனைவரையும் இந்நூலை வாசிக்க பரிந்துரை நான் செய்கிறேன்.

        லில் இருக்கிறது.

                              சிறு வயது முதலே கலை ஆர்வம் கொண்ட ராமகிருஷ்ணன் பள்ளியிலும், கல்லூரியிலும் நாடக மேடை அனுபவம் கிடைத்தது. வாணியம்பாடி கல்லூரியில் படிக்கும்போது இலக்கிய கையெழுத்து பத்திரிக்கை நடந்த அக்காலக்கட்டத்தில் பேராசிரியராக இருந்த கவிக்கோ அப்துல் ரகுமான், பேராசிரியர் அப்துல் காதர் ஆகியோர் ஊக்கம் அளித்தனர். தமிழகத்தில் பெரும் ஆளுமைகளான தந்தை பெரியார், ஜீவானந்தம் போன்ற தலைவர்களையும் இக்காலகட்டத்தில் ராமகிருஷ்ணன் பார்த்து, பேசி இருக்கிறார். அக்காலக்கட்டத்திலே நடைபெற்ற தி.மு.க. மாணவர் எழுச்சி போராட்டங்களிலும் ஆர்வத்துடன் பங்கேற்றார்.  ராமகிருஷ்ணன் சப் இன்ஸ்பெக்டராக பயிற்சி முடிந்த பின்பு ட்ரைனிங்கிற்கு வாழப்பாடி காவல் நிலையத்தில் சேர்ந்தார்.

                         பயிற்சி பள்ளியிலே சமூக அக்கறையுடைய அசோகன் என்ற காவல் ஆய்வாளரிடம் பயின்றார். ராமகிருஷ்ணனுடைய அப்பா கோபாலன் சொன்ன வார்த்தைகள் நேர்மையாக இரு, எளிய மக்களிடம் கனிவுடன் நட, சீர்திருத்தக் காரணாக செயல்படு. நேர்மையாக இருப்பதனால் எற்படும் சோதனைகளை தாங்கி கொள், நல்ல மனிதனாக இரு என்ற அறிவுரையை தனது கடமையாக ஏற்று தனது காவல்துறை பணிகாலம் முழுவதும் ராமகிருஷ்ணன் கடை பிடித்தமையும், தமிழகம் முழுவதும் பல இடங்களில் வேலை பார்த்த அனுபவங்களையும் சுவரஸ்யமான நடையில் எழுதியமைக்காக இந்நூலை நிச்சயம் பாராட்டலாம். நேர்மையாக இருப்பதுயென்பது சோதனையையும், வேதனையையும் தரக்கூடிய வாழ்க்கை முறையாக நம் சமூகம் அமைப்பு மாற்றி இருக்கிறது.

                   கையூட்டு பேர்வழிகள் ஆடம்பர வாழ்வினையும், நேர்மையாளர்கள் சோதனைகளை சந்திப்பதும் நம் சமூக அவலம். மனசோர்வு அளிக்கும் நேர்மையான பாதையைப் பற்றிய மன விசாரணை இந்நூல் எங்கும் பிரதிபலிக்கிறது. இச்சோதனையில் வென்றவராய் ராமகிருஷ்ணன் இச்சுசரிதையில் நிற்கிறார். 2005ல் கூடுதல் கண்காணிப்பாளராக இருந்து ஒய்வு பெற்றார். அவருக்கு ஒரு வாசகனாய், படைப்பாளியாய் எனது வாழ்த்துக்களை தெரிவிப்பதுடன், அனைவரையும் இந்நூலை வாசிக்க பரிந்துரை நான் செய்கிறேன்.

        

Monday, June 09, 2014

சார்ளி சாப்ளினின் என் கதை:


சார்ளி சாப்ளினின் என் கதை:
*********************************************

இரண்டு நாட்களுக்கு முன்பாக சார்ளி சாப்ளினின் என் கதை வாசித்து முடித்தேன் !  220 க்கும் அதிகமான பக்கங்கள்..  190 ரூபாய்.யூமா வாசுகியின் அழகிய தமிழில் !
வறுமை வாட்டியெடுத்த குழந்தைப்புருவம் ,துயரத்தின் இருள்  துரத்திய  வாழ்க்கை.கணவனால் கைவிடப்பட்ட தாய்., நடிகையான அவளின் நாடக மேடை வாழ்வின் இறுதிநாட்கள்..இளமையிலேயே பட்டினித்துயரத்தால் தாய் ஹென்னா உடல் நலிந்தவளாய் ,மனச் சோர்வுற்வளாய்,நாடக மேடைக்கான  வளமான குரல் போய்  ,சிட்னி,சார்ளி என இரண்டு குழந்தைகளைப் பராமரிக்க முடியாமல் பட்ட பாடு ,நினைக்கவே நெக்குருகிறது .
ஹென்னா விற்கு மனச்சிதைவு அடிக்கடி ஏற்பட்டு மன நோய் விடுதியிலும்,சிறுவர்களிருவரும் அநாதை விடுதியிலும் தனித்தனியே பிரிந்து  வாழும் வாழ்க்கை,என பந்தாடப்பட்ட வாழ்க்கை சாப்ளினுக்கு !
துயரத்திலும் நகைச்சுவை உணர்வு மழுங்கிப் போய்விடவில்லை சாப்ளினுக்கு,பின்னொரு காலத்தில் மேடை நடிகனாகி புகழ்பெற்று,பின் மௌனப் பட  நகைச்சுவை   சக்ரவர்த்தியாய் அமெரிக்காவில் வளம் வந்து...,கோடிக்கனக்கில் சம்பாரித்து...என உலகம் எவ்வளவு அள்ளித்தந்தாலும் ,சாப்ளினை எதுவும் மாற்ற முடியவில்லை..!
தன சுதந்திர தாகத்தால் -கிரேட் டிக் டே ட்டர் , மாடர்ன் லைம்ஸ்,சிட்டி லைட் படங்கள் என வெற்றிப் படங்கள் தந்த போது அமெரிக்க முதலாளிளால் ,கம்யூனிஸ்ட் என நியாமற்ற முறையில் , முத்திரை குத்தப் பட்டு   துரத்தப்பட்ட துயரம்..,என சாப்ளின் தான் அமெரிக்காவை விட்டு வெளியேறிய வரை தன வாழ்நாளின் அனைத்து சம்பவங்களையும் நினைவு கூருகிறார்,. சாப்ளின்எதற்காகவும்  சமரசம் செய்தாரில்லை,,!தன வாழ்வின் மீதான கூரான விமர்சனங்களையும் ,காதல்,போராட்டம்,தனது மன வாழ்க்கை தோல்விகள்,30 வயதுஇளைய  ஊணா(  Oona O'Neill)வுடனா இனிய திருமண வாழ்வு..,வெற்றியின் உச்சம்  ,என தன வாழ்வின்அனைத்து  போக்குகளையும் அலசுகிறார்.....

அற்புத மனிதர் சாப்ளினின் வாழ்க்கை-என் கதை ,அருமையான இலக்கியத்தரமான சுயசரிதை  ,அனைவரும் வாசிக்க வேண்டிய நூல்..!

--சேகு​​ --

Friday, May 30, 2014

நூல்களுடன் எனது நாட்கள்..!

நூல்களுடன் எனது நாட்கள்..! 
***************************
என்னுடைய படுக்கையிலும், பக்கத்திளுமிருக்கின்றன ...
அரை வாசிப்பிளிருக்கும் புத்தகங்கள்..!
படிக்க தூண்டும் அத்தனை புத்தகங்களையும், 
வாங்கிவிடும் மனதும்,வசதியும் வந்துவிட்ட பிறகு 
தொட்டுத்தடவினாலே அசதிவந்துவிடுகிறது...
எதார்த்த வாழ்க்கையின், பதார்த்தமாகிப் போனதால்.. 
வயோதிக மன்னனின் அந்தப்புரத்தில் சேர்க்கப்பட்ட 
புதிய இளம் பெண் போல விழித்துக் கொண்டிருக்கின்றன
என் புத்தகங்கள் ...வாசிப்பவனுக்காக..!

--சேகு--

Sunday, May 25, 2014

கோச்சடியான் -குறைப்பிரசவம் :பிழைத்துக்கொண்டால் நலம்!



கோச்சடியான் -குறைப்பிரசவம்
---------------------------------------------------
கதை பரவாயில்லை ...
ரஜனி vs தொழில் நுட்ப அனிமேசன் ரஜினி -பாஸ் மார்க் ! அழகாக இருக்கிறார் ,ஆனால் அனிரூத் ரேஞ்சிற்கு பல இடங்களில் ஒல்லி!
கிராபிக் நாசர் பரவாயில்லை !
கிராபிக் நாகேஷ் பரவாயில்லை !
கிராபிக் தீபிகா படுகோன் - படு கோணலாக ,குட்டையாக ,உயிரோட்டம் குறைவாக ...
மோசன் கிராபிக் சில இடங்களில் நன்றாகவும்,பல இடங்களில் படு சாதாரணமாகவும் இருக்கிறது !
மற்ற கதா பாத்திரங்கள் ,படு சுமாராய்..., படுத்தி எடுக்கின்றன அதிலும் சரத்,ஆதி,சோபனா,பொம்மலாட்டம் நாயகி, எல்லோரும் பார்க்க பரிதாபம்..!
சண்டைக் காட்சிகளும்,பாடல் காட்ச்சி அமைப்புகளும் நன்றாக வந்திருப்பது ஆறுதல் ! வேகமான கதை(ரவிகுமார்),இசைப்புயலின் இசை,ரஜனி,நாசர் பாத்திரங்களின் அமைப்பு,குரல் ஆகியவை , படத்தை தாங்கிப்பிடிக்கிறது.
அனைத்தையும் மீறி ,மோசன் கிராபிக் துவக்கப்புள்ளியாக சொவ்ந்தர்யாவைப் பாராட்டலாம் . !
இன்னமும் மெனக்கெட்டிருந்தால் நன்றாக வந்திருக்க வேண்டிய படம்!
வண்ணத்தூரிகையில் வந்திருக்கும் சின்ன கிறுக்கல்!
இன்குபேட்டரில் உள்ள இந்த குறைப்பிரசவ குழந்தை பிழைத்துக்கொண்டால் நலம்!

Wednesday, May 21, 2014

காப்பாற்றும் கண்ணபிரானா? -மோடி !?

காப்பாற்றும் கண்ணபிரானா? -மோடி !? ---------------------------------------------------------------------- பிரதமராக கோடான கோடி வாக்குகள்,கோடான கோடி செலவினங்கள்,ஸ்பான்சர்கள் மூலமாக மோடி வென்றுவிட்டார்.மக்கள் பலத்தால் வென்றவரை வாழ்த்துவது மரபு.,என்வே சில, பல தயக்கங்களைமீறி வாழ்த்துவோம் ! புதிய அரசை குறைந்தது 100 நாட்கள் கழித்து விமர்சிப்பதே ஞாயமாக இருக்கும்.!ஆனால் வெற்றிக்காக இவர்கடந்துவந்த பாதை,கொள்கைகளை ஒரு பறவைப்பார்வை பார்க்கலாம். பாராளுமன்ற பி.ஜே.பி எம்பிக்கள் கூட்டத்தில் பேசிய மோடி 125 கோடி மக்களுக்காக பாடுபடுவேன் என்று சொல்லியபோது மகிழ்ச்சியாக இருந்தது,.ஆனால் பி.ஜே.பி மற்றும் அதன் சார்பு அமைப்புகள் பல வித மாக விதமுரண்பாடி, பெரும்பான்மை மக்களுக்கு ,சிறுபான்மை இஸ்லாமிய,கிருத்துவ மக்கள் அச்சுறுத்தலாக இருப்பது போன்ற மாயையை ஏற்படுத்துவதில் கொள்கையாகவும்,குறியாகவும் இருந்தன.ஆனால் குறிப்பாக இஸ்லாமிய மக்கள் வயிருவீங்கிய ,உடல் சிறுத்த சத்தற்ற உயிரனத்திற்கு ஒப்பாகவே இருக்கிறார்கள் . .உயர் கல்வியில் ,வேலை வாய்ப்பில் அரசின் அத்துணை துறைகளிலும் 5 சதவீதத்துக்கு கீழே இருக்கக்கூடிய இந்த சவலைப் பிள்ளையை ,பூச்சான்டியாய் சித்தரிப்பதில், சித்தாந்தப் பெருமை கொள்ளும் சங்க பரிவார் பெற்றெடுத்த முத்து தான் மோடி.தனது மண்ணைக் கூட முத்தமிடும் இவரிடம் சிறுபான்மை மக்களைப் பற்றிய ஆறுதலான ஒரு வார்த்தை , தவறிககூட வெளிவரவில்லையே !. நிச்சயமாக இந்திய மக்கள் மதவாதப் பாதையை தேர்ந்தெடுப்பவர்களில்லை ! ஏனெனில் இதுவரை இந்திய வரலாற்றில் ,மதவாதக் கட்ச்சிகள் பெரும்பான்மை பலம் பெற்றதே இல்லை.!பின் இந்த முறை என்ன நடந்துள்ளது?செல்லரித்துப் போன காங்கிரசின் வேதனை தரும் ஆட்சியிலிருந்து காப்பாற்றும் முகமாக இந்த காவரைத் தேர்வு செய்திருக்கிறார்கள்! .,இவருடைய முந்தைய வரலாறுகளைகே கூட புறம்தள்ளி ..! இதில் ஸ்பான்சர்களின்(பெரு முதலாளிகள்,அவர்களின் மீடியா பங்காளிகள் ) பங்கு முக்கியமானது..பெருமுதலாளிகளுக்கு வேரு கவலை!? குறைந்த விலையில்,குறைந்த வரியில் தங்களுடைய அகோர பசிக்கு காங்கிரஸ் தந்து கிழ டாகிப்போனதால்,சவாரிக்கு புது குதிரை வேண்டுமே! இந்நிலையில் பிரதமர் மோடி வறுமை இந்தியர்கள்,தலித்துகள்,சிறுபான்மை மக்கள் ,என கையறு நிலையில் இருக்கும் திரௌபதி களை காப்பாற்றும் கண்ணபிரானா? துகிலுரியப்பட்ட போது நெடுமரமாக நின்ற பீஷ்மாச்சாரியாரா? வரும் ஐந்தாண்டுகள் முடிவுசெய்யும்!