Monday, August 31, 2015

எலிஸாஃபே -இந்திய பயணக் கடிதங்கள்.



              நூல் 
             அறிமுகம்:  சேகு.
எலிஸாஃபே -இந்திய பயணக் கடிதங்கள்.
தமிழில் :அக்களூர் ரவி.சந்தியா பதிப்பகம், பக்கங்கள் -286.விலை ரு:200
        எலிஸாஃபே இங்கிலாந்தை சேர்ந்த 24 வயது பெண். தனது 
கணவரான  அந்தோனிஃபேவுடன் இந்திய பயணத்தை 1779ல் இங்கிலாந்திலிருந்து 
தொடங்கினார். இப்பயணத்தின் நோக்கம் ஃபே, கல்கத்தாவிலுள்ள 
உச்சநீதிமன்றத்தில் வழக்கறிஞராக பதிவு செய்து தொழில் நடத்துவதற்காகவே 
இந்தியாவில் பாரிஸ்டர்ரான  தனது கணவர் வளமான தொழில் செய்வார்,
என்ற இந்தியாவில் சம்பாதிக்கபோக நிறைந்த செல்வங்களை, கற்பனை
செய்தவாறு எலிஸாவும், கூடவே ஃபேயும் புறப்பட்டனர். இங்கிலாந்திலிருந்து 
ஐரோப்பா வழியாக ஆல்ஸ் மலை தொடரின் ஊடே  பிரான்ஸ், இத்தாலி
வழியாக ஜெனோவா துறைமுகம்   வந்தடைந்து,மரக்கலம்    மூலம்கெய்ரோ வரை  பயணமாகவும் ,பிறகு செங்கடல் வழியாக பாய்மர  கப்பல்  மூலம் 
கள்ளிக்கோட்டை வந்தடைந்தார். பின்  கோவாவிலிருந்து சென்னை வந்து, 
கல்கத்தா சென்றடைந்தார். இந்த பயணம் சுமார் ஒரு வருடகாலம் நீடித்தது. 
வழிபறி கொள்ளையர்களிடம், எதிர்ப்பாளர்களிடம் மாட்டிக் கொண்டு 
பொருள்களை இழந்து, சிறைப்படுத்தப்பட்டு, பலவித இன்னல்களை 
சந்தித்து கல்கத்தா சென்றடைந்தார். இதில் ஏன் அவர் தரை வழி
பயணத்தை தேர்ந்தெடுத்தார்  என்பதற்கான காரணம் விளங்கவில்லை. 
ஏனெனில் ஐரோப்பாவிலிருந்து இந்தியாவிற்கு வரும் கடல்வழி மார்க்கம் 
அதற்கு இருநூறு ஆண்டுகளுக்கு முன்பாகவே கண்டு பிடிக்கப்பட்டு விட்டது.
சாகசமும், துன்பங்களும் நிறைந்த  இந்த பயணத்தை எலிஸா 
மேற்கொண்டபோது ஒரு அற்புதமான செயலையும் செய்தார். தொடர்ந்து
தனது தயாருக்கும், சகோதரிக்கும் இவர் தன்னுடைய பயண விபரங்களை,
அழகான, இலக்கிய தரம் வாய்ந்த நடையில் கடிதங்களை எழுதி வந்தார். 
மழையிலும், குளிரிலும், பின் கடும் வெப்பத்திலும், எலிஸா கடிதங்களை
எழுத மறந்ததே இல்லை. அவருடைய 23 கடித தொகுப்புகளை கொண்ட 
நூலே இந்த பயண நூல்.

        250 ஆண்டு காலத்திற்கு முன் தரைவழி, கடல்வழி பயணம் எவ்வாறு
இருந்தது என்று நினைக்கும் போது ஒரு கனம் பிரமிப்பாகவும், அச்சம்
தருவதாகவும் இருந்து இருக்கிறது. இருப்பு பாதை, மோட்டார் வாகனம் 
வருவதற்கு முன்பான காலம்!. குதிரைகள் இழுக்கும் கோச்சு வண்டி பயணம்,
மலைமீது கழுதை சவாரியில் பயணித்தது, என செழுமையான ஐரோப்பிய
பள்ளதாக்குதலிலும், ஆல்ஸ் மலை தொடரை கடந்தும், மழை, கடும்பனிக்கு
நடுவில் பயணம் மேற்கொண்ட இந்த இளம்பெண்ணின் தீர மனத்தை 
நினைத்தால் வியப்பும், வியாகூலமாக நம் மனம் அதிருகிறது. ஐரோப்பா 
நெடுவிலும் பெரிய பிரச்சனைகள் எதுவுமில்லை. அதிக செலவுகளும், 
செலாவணி பிரச்சனைகளும், சமாளிக்கப்பட்டது. எலிஸாவிற்கு சிக்கனம்
கை வந்த கலை. எதையும், எந்த செலவுகளையும் தனது சிக்கன 
மனதினிலேயே பரிசிலிப்பதில் வல்லவர். கெய்ரோவில் நடைப்பெற்று 
கொண்டிருந்த அடிதடி, வழிப்பறி கலாச்சாரம் மற்றும் இஸ்லாமிய புர்கா 
கலாச்சாரம், வழி எங்கும் தான் சந்தித்த மனிதர்கள், அவர்களை பற்றிய 
விவரணை, அவர்களுடைய  சுபாவங்கள் என அழகாக  எலிஸா பதிவு 
செய்து இருப்பதுதான் இந்நூலை வாசிக்க தூண்டும் நூலாக்குகிறது.

        ஒரு வழியாக செங்கடல் வழியாக கள்ளிக்கோட்டை வந்து சேர்ந்தபோது
இவருக்கு பெரிய ஏமாற்றம். இங்கிலாந்து ஆட்சி நடைபெறும் நினைப்பில்
வந்தவருக்கு பெரும் அடி. அங்கு ஹைதர் அலியின் பட்டாளம்  இவரை 
வரவேற்றது. ஆங்கிலேயனாக இருந்த, கொடுமனம் கொண்ட கொள்ளையன், 
அய்ரேஸ் தலமையில் இவருகளுடைய பாய்மர கப்பல் சூழ்ப்பட்டு கைது
செய்யப்படுகிறார்கள். கள்ளிக்கோட்டையில் இவர்களிடம் இருந்து இன்னும் 
ஏதாவது விலைமதிப்பில்லாத பொருள்களை கைப்பற்ற வாய்ப்பு இருக்கிறதா
என்று எண்ணி இரண்டு மாதங்களுக்கு மேல் சிறை வைக்கப்பட்டனர்.
தங்களிடமிருந்து  அனைத்து பொருள்களையும் எலிஸா தம்பதினர் இழந்து
இருந்தனர். எலிஸா சில விலை உயர்ந்த சிறிய பொருள்களான கை
கடிகாரங்கள்.கை உறையில் போட்டு தந்திரமாக மறைத்து வைத்து இருந்தார்.
ஆங்கிலேயனாக இருந்தாலும் அய்ரோஸை மோசடி கொள்ளையன் 
இங்கிலாந்து பெண்மணியிடம் சக நாட்டவர் என்ற எந்த
பரிவுமில்லை.அவர்களுடைய கோவாவிற்கு செல்ல வேண்டும், பணம் இழப்பீடு
வேண்டும் என்ற  இவர்களுடைய கோரிக்கை(அங்கிருந்த பல கையூட்டு
பேர் வழிகளால்) யினால் அழைக்களிக்கப்பட்டா ர்கள். கையூட்டிற்கும் இந்தியாவிற்கும்
பல ஆயிரம் ஆண்டுகால பாரம்பரியம் இருக்குமோ?!. கிருத்துவ பாதிரியார் 
ஒருவர் அனுப்பிய எழுநூறு ரூபாயும், ஹைதர் அலி ஆட்சியர் அளித்த 
இழப்பீடு ஐநூறு ரூபாயும், கையூட்டு கொடுப்பதற்கும், சில செலவினங்கள் 
செய்வதற்கும் உதவியாக இருந்தது.

        யூத வணிக ஒருவருடைய நன்மதிப்பை பெற்று 
கள்ளிக்கோட்டையிலிருந்து  கோவா தப்பி சென்று பிறகு, கோவாலிருந்து
சென்னைபட்டினம் வந்தார். சென்னைபட்டினம்  பற்றிய இவருடைய விவரணை 
வியப்பளிக்கக்கூடியதாக இருக்கிறது. அன்றைய சென்னையின் செல்வ 
செழிப்பை அறிய முடிகிறது. அழகிய நகராக உருவாகி கொண்டிருந்த 
சென்னையை விவரிக்கிறார். அடிதட்டு மக்களுடைய வாழ்வையும் பதிவு 
செய்ய மறக்கவில்லை. சில நாட்கள் இருந்த பிறகு தம்பதிகள் கல்கத்தா 
நோக்கி பயணிக்கிறார்கள். கணவரை  பற்றிய  இவருடைய் நம்பிக்கைகளும், 
சரிவை சந்தித்து கொண்டு  இருப்பதையும் அறியமுடிகிறது. முன்கோபமும், 
விவேகமற்ற அவருடைய  அணுகுமுறையும், எலிஸாவிற்கு கலக்கத்தை 
ஏற்படுத்தி இருக்கிறது. பல தடைகளை கடந்து, செல்வம் சேர்க்க
வேண்டுமென்று இந்திய பயணத்தை  மேற்கொண்ட இவருக்கு, கணவரின் 
நிலை தொடர்ச்சியாக கவலையூட்டுவதாக  இருந்தது. பல இடங்களில்
மிஸ்டர்  ஃபேயின் குணத்திற்கு கடிவாளம் போட்டு  எலிஸாவால்
மட்டுமே நிலமையை கட்டுப்படுத்த முடிந்தது. ஒரு வழியாக
கல்கத்தாவை அடைந்து உயர்நீதிமன்றத்தில் வழக்கறிஞராக மிஸ்டர்  
ஃபே  பதிவு செய்து கொண்டார்.

        கல்கத்தா வாழ்க்கை எப்படி இருந்து இருந்திருக்கிறது? ஐரோப்பியருடைய 
ஆடம்பர வாழ்க்கை, பணிவாக இருப்பது போல இருந்து ஊதாரியான 
அவர்களுக்கே வட்டி பணம் கொடுக்கும் வேலைகாரர்கள், வெள்ளையர்கள் 
ஒருபுரம் இந்தியாவை சுரண்டி கொண்டிருக்கும்போது அவர்களுக்கு வட்டிக்கு 
பணம் வாங்கும் வழக்கத்தை ஏற்படுத்தி, அவர்களை ஓட்டாண்டி ஆக்கும் 
இந்திய தந்திரகார பணியா வணிகர்கள்  பற்றியும், மெலிந்த தேகத்தடனும்
பல  விஷயங்களில் உறுதியற்ற போக்கையும் மத  ரீதியான மன 
உறுதியையும், இந்தியர்களின் குணநலன்களாக குறிப்பிடுகிறார்.

        உடன்கட்டை ஏறும் சதிபழக்கத்தையும், பூரி ஜகநாதர் ஆலயத்தில் 
தேரோட்டத்தின் போது சக்கரத்தில் பாய்ந்து, உயிரை போக்கி கொண்டால்
மோட்சத்திற்கு போகலாம் என்ற நம்பிக்கையை பார்த்து, துயரத்துடன் பதிவு 
செய்கிறார். கணவர்  ஃபேயுடான உறவு, பெரும் கடனாளி ஆக்கி விட்ட
நிலையில் வெறும் கையுடன், ஃபேயிடமிருந்து விவாகரத்து பெறுகிறார். சில
நல்ல  உள்ளம் கொண்ட ஐரோப்பிய குடும்பங்களுடைய ஆதரவில் சில
மாதங்கள் இருந்து விட்டு இங்கிலாந்து திரும்புகிறார். இந்திய கல்கத்தா சூழல்
பிடித்துவிட்டதால் என்னவோ அதற்கு பின்பும் இந்தியா வந்து, அழகிய
தொப்பிகள் விற்கும் கடை வைத்து வாணிபம் செய்கிறார்.கல்வி நிலையம்
நடத்துகிறார். இங்கிலாந்திற்கு இரண்டு முறை போய் வருகிறார். செல்வத்தைத் 
தேடுவதில்  எலிஸா பெரிய அதிர்ஷ்டக்காரியாக இல்லையென்றாலும்
அவருடைய் போராட்ட குணம் இறுதிவரை குறையவில்லை. தனது 
அறுபதாவது வயதில் கல்கத்தாவில் மரணமடைகிறார். எலிஸாஃபேயின் 
இளமையில் புறப்பட்ட இந்த சாகச பயணம் இறுதி வரை அவரை
துணிச்சல்கராகவே ஆக்கியது. இன்றைய சூழலில் கூட இளம்பெண்கள் பயணம்
மேற்கொள்வது எவ்வளவு ஆபத்தாக(நம் தேசத்தில்)இருக்கிறது என்று
நினைக்கும் போது, எலிஸாவை, அவருடைய இலக்கிய தரமான கடிதங்களை 
அவருடைய வாழ்வை, மன உறுதியும் இந்நூல் வாசிப்பிற்கு பின்பு நம் 
மனதில் நெடுங்காலம் வெளிச்சமாக இருக்கும் என்பது திண்ணம்.

Wednesday, February 25, 2015

காக்கி சட்டைக்குள் சிகப்பு சிந்தனைகள்..

 காக்கி சட்டைக்குள் சிகப்பு சிந்தனைகள்

 நூல் ஆப் இயர்: கோ. ராமகிருஷ்ணன்
 பக்கங்கள்:206 (புகைப்படங்களுடன்)     விலை:150  (கவின் பதிப்பகம்)
                                                                                 செல் நெம்பர்: 7373014251

 நமது தா.மு.எ.க.ச. வட்டத்தில் சேலத்தில் கடந்த பத்து ஆண்டுகளாக தன்னை இணைந்து கொண்டு ஒரு படைப்பாளியாக, கவிஞராக உள்ள காவல் துறையிலிருந்து ஒய்வு பெற்ற திரு. கோ.ராமகிருஷ்ணன் தனது சுய வரலாற்றை நூலாக்கி தந்துள்ளார். பொதுவாகவே எனது வாசிப்பில் முக்கிய இடத்தை பிடிப்பது சுய வரலாற்று நூல்கலே. ஒவ்வொரு தனிமனித வாழ்க்கையிலும் தனித்துவமான அனுபவங்கள், போராட்டங்கள் என நாம் தெரிந்து கொள்ள வேண்டிய பல சுவரஸ்யமான விஷயங்கள் இருப்பதாக நான் நினைக்கிறேன். இன்றைய நாளிலிருந்து அடுத்த நாலே மனித வாழ்வை புரட்டி போடும் ஆச்சர்யங்கள் நிறைந்ததுதான். காவல்துறை போன்ற மக்களுக்கு பாதுகாப்பு அளிக்கக்கூடிய, பயமுறுத்தக்கூடிய துறையிலிருந்து தனது அனுபவங்களை எழுதி இருக்கும் மிக சிலர்தான் சுய வரலாற்று நூல்களை எழுதி உள்ளனர். சேலம் மாவட்டம்,  ஓமலூர் வட்டம்  தாரமங்கலம் அருகில் மல்லிக்குட்டை என்னும் சிறிய கிராமத்தில் பிறந்தார்.

                                      இவரது அப்பா கோபாலன் இடதுசாரி கட்சியை சேர்ந்தவர். தனது இளம் வயதில் காவல்துறையில் சேர வேண்டுமென்ற நோக்கத்தோடு சென்று காவல்துறையில் சேரபோவதை அறிந்த அவரது அப்பா கோபாலனை தடுத்து விட்டார். பிரிட்டிஷ்காரன் சுதந்திர போரட்ட வீரர்களை தடி கொண்டு தாக்குவதற்காக காவல்துறையை வைத்து இருக்கிறான். நம் சுதந்திரத்திற்கு எதிரான பிரிட்டிஷ்காரனுக்கு வேலை செய்வதா? வேண்டாம் என்று மறுத்து விட்டார். பின்பு கோபாலன் மேட்டூர் மில் தொழிலாளியாக கம்யூனிஸ்ட் கட்சியின் தொழில் சங்கத்திலிருந்து தன்னை இணைந்து பல தொழிலாளர்கள் மில்லில் சேருவதற்கும், அவர்களுக்கு பல தேவைகளை பெற்று தருவதிலும் விருப்பமுடையவராக இருந்தார். கம்யூனிஸ்ட் கட்சியின் பெருந்தலைவர்களுள் ஒருவரான பி. ராமமூர்த்தி கம்யூனிஸ்ட் கட்சி தடை செய்யப்பட்ட நேரத்தில் தலைமறைவு வாழ்க்கை மேற்கொண்டு இருந்தார். அது சமயம் கோபாலனை சந்திக்க ரகசியமாக வந்திருந்த போது ராமகிருஷ்ணன் கை குழந்தையாக இருந்த போது கோபாலன் அவருக்கு ராமமூர்த்தி அவர்களை குழந்தைக்கு பெயர் வைக்க சொல்லும் போது தனது பெயரை ராமமூர்த்தி என்றே வைத்தார். காவல்துறை தொடர்ந்து தேடி வந்த P.R. கோபாலனை சந்தித்த செய்தி போலிஸ்க்கு தெரிந்து கோபாலனை கைது செய்து கடும் சித்ரவதைக்கு உள்ளாக்கி சேலம் சிறையிலும், பிறகு கோவை சிறைக்கும் மாற்றியது. சேலம் சிறையில் அந்த காலகட்டத்திலேயே துப்பாக்கி சூடு நடத்தி கம்யூனிஸ்ட் சிறை கைதிகள் படுகொலை செய்யப்பட்டனர். கோபாலன் கோவையில் இருந்ததால் இதிலிருந்து தப்பி பிழைத்தார் என்றே சொல்லலாம். ராமமூர்த்திக்கு ராமகிருஷ்ணன் என்ற பெயர் வந்ததும் ஒரு சுவையான செய்தி இந்த நூலிநூ காக்கி சட்டைக்குள் சிகப்பு சிந்தனைகள்

 நூல் ஆப் இயர்: கோ. ராமகிருஷ்ணன்
 பக்கங்கள்:206 (புகைப்படங்களுடன்)     விலை:150  (கவின் பதிப்பகம்)
                                                                                 செல் நெம்பர்: 7373014251

 நமது தா.மு.எ.க.ச. வட்டத்தில் சேலத்தில் கடந்த பத்து ஆண்டுகளாக தன்னை இணைந்து கொண்டு ஒரு படைப்பாளியாக, கவிஞராக உள்ள காவல் துறையிலிருந்து ஒய்வு பெற்ற திரு. கோ.ராமகிருஷ்ணன் தனது சுய வரலாற்றை நூலாக்கி தந்துள்ளார். பொதுவாகவே எனது வாசிப்பில் முக்கிய இடத்தை பிடிப்பது சுய வரலாற்று நூல்கலே. ஒவ்வொரு தனிமனித வாழ்க்கையிலும் தனித்துவமான அனுபவங்கள், போராட்டங்கள் என நாம் தெரிந்து கொள்ள வேண்டிய பல சுவரஸ்யமான விஷயங்கள் இருப்பதாக நான் நினைக்கிறேன். இன்றைய நாளிலிருந்து அடுத்த நாலே மனித வாழ்வை புரட்டி போடும் ஆச்சர்யங்கள் நிறைந்ததுதான். காவல்துறை போன்ற மக்களுக்கு பாதுகாப்பு அளிக்கக்கூடிய, பயமுறுத்தக்கூடிய துறையிலிருந்து தனது அனுபவங்களை எழுதி இருக்கும் மிக சிலர்தான் சுய வரலாற்று நூல்களை எழுதி உள்ளனர். சேலம் மாவட்டம்,  ஓமலூர் வட்டம்  தாரமங்கலம் அருகில் மல்லிக்குட்டை என்னும் சிறிய கிராமத்தில் பிறந்தார்.

                                      இவரது அப்பா கோபாலன் இடதுசாரி கட்சியை சேர்ந்தவர். தனது இளம் வயதில் காவல்துறையில் சேர வேண்டுமென்ற நோக்கத்தோடு சென்று காவல்துறையில் சேரபோவதை அறிந்த அவரது அப்பா கோபாலனை தடுத்து விட்டார். பிரிட்டிஷ்காரன் சுதந்திர போரட்ட வீரர்களை தடி கொண்டு தாக்குவதற்காக காவல்துறையை வைத்து இருக்கிறான். நம் சுதந்திரத்திற்கு எதிரான பிரிட்டிஷ்காரனுக்கு வேலை செய்வதா? வேண்டாம் என்று மறுத்து விட்டார். பின்பு கோபாலன் மேட்டூர் மில் தொழிலாளியாக கம்யூனிஸ்ட் கட்சியின் தொழில் சங்கத்திலிருந்து தன்னை இணைந்து பல தொழிலாளர்கள் மில்லில் சேருவதற்கும், அவர்களுக்கு பல தேவைகளை பெற்று தருவதிலும் விருப்பமுடையவராக இருந்தார். கம்யூனிஸ்ட் கட்சியின் பெருந்தலைவர்களுள் ஒருவரான பி. ராமமூர்த்தி கம்யூனிஸ்ட் கட்சி தடை செய்யப்பட்ட நேரத்தில் தலைமறைவு வாழ்க்கை மேற்கொண்டு இருந்தார். அது சமயம் கோபாலனை சந்திக்க ரகசியமாக வந்திருந்த போது ராமகிருஷ்ணன் கை குழந்தையாக இருந்த போது கோபாலன் அவருக்கு ராமமூர்த்தி அவர்களை குழந்தைக்கு பெயர் வைக்க சொல்லும் போது தனது பெயரை ராமமூர்த்தி என்றே வைத்தார். காவல்துறை தொடர்ந்து தேடி வந்த P.R. கோபாலனை சந்தித்த செய்தி போலிஸ்க்கு தெரிந்து கோபாலனை கைது செய்து கடும் சித்ரவதைக்கு உள்ளாக்கி சேலம் சிறையிலும், பிறகு கோவை சிறைக்கும் மாற்றியது. சேலம் சிறையில் அந்த காலகட்டத்திலேயே துப்பாக்கி சூடு நடத்தி கம்யூனிஸ்ட் சிறை கைதிகள் படுகொலை செய்யப்பட்டனர். கோபாலன் கோவையில் இருந்ததால் இதிலிருந்து தப்பி பிழைத்தார் என்றே சொல்லலாம். ராமமூர்த்திக்கு ராமகிருஷ்ணன் என்ற பெயர் வந்ததும் ஒரு சுவையான செய்தி இந்த நூலிலே இருக்கிறது.

                              சிறு வயது முதலே கலை ஆர்வம் கொண்ட ராமகிருஷ்ணன் பள்ளியிலும், கல்லூரியிலும் நாடக மேடை அனுபவம் கிடைத்தது. வாணியம்பாடி கல்லூரியில் படிக்கும்போது இலக்கிய கையெழுத்து பத்திரிக்கை நடந்த அக்காலக்கட்டத்தில் பேராசிரியராக இருந்த கவிக்கோ அப்துல் ரகுமான், பேராசிரியர் அப்துல் காதர் ஆகியோர் ஊக்கம் அளித்தனர். தமிழகத்தில் பெரும் ஆளுமைகளான தந்தை பெரியார், ஜீவானந்தம் போன்ற தலைவர்களையும் இக்காலகட்டத்தில் ராமகிருஷ்ணன் பார்த்து, பேசி இருக்கிறார். அக்காலக்கட்டத்திலே நடைபெற்ற தி.மு.க. மாணவர் எழுச்சி போராட்டங்களிலும் ஆர்வத்துடன் பங்கேற்றார்.  ராமகிருஷ்ணன் சப் இன்ஸ்பெக்டராக பயிற்சி முடிந்த பின்பு ட்ரைனிங்கிற்கு வாழப்பாடி காவல் நிலையத்தில் சேர்ந்தார்.

                         பயிற்சி பள்ளியிலே சமூக அக்கறையுடைய அசோகன் என்ற காவல் ஆய்வாளரிடம் பயின்றார். ராமகிருஷ்ணனுடைய அப்பா கோபாலன் சொன்ன வார்த்தைகள் நேர்மையாக இரு, எளிய மக்களிடம் கனிவுடன் நட, சீர்திருத்தக் காரணாக செயல்படு. நேர்மையாக இருப்பதனால் எற்படும் சோதனைகளை தாங்கி கொள், நல்ல மனிதனாக இரு என்ற அறிவுரையை தனது கடமையாக ஏற்று தனது காவல்துறை பணிகாலம் முழுவதும் ராமகிருஷ்ணன் கடை பிடித்தமையும், தமிழகம் முழுவதும் பல இடங்களில் வேலை பார்த்த அனுபவங்களையும் சுவரஸ்யமான நடையில் எழுதியமைக்காக இந்நூலை நிச்சயம் பாராட்டலாம். நேர்மையாக இருப்பதுயென்பது சோதனையையும், வேதனையையும் தரக்கூடிய வாழ்க்கை முறையாக நம் சமூகம் அமைப்பு மாற்றி இருக்கிறது.

                   கையூட்டு பேர்வழிகள் ஆடம்பர வாழ்வினையும், நேர்மையாளர்கள் சோதனைகளை சந்திப்பதும் நம் சமூக அவலம். மனசோர்வு அளிக்கும் நேர்மையான பாதையைப் பற்றிய மன விசாரணை இந்நூல் எங்கும் பிரதிபலிக்கிறது. இச்சோதனையில் வென்றவராய் ராமகிருஷ்ணன் இச்சுசரிதையில் நிற்கிறார். 2005ல் கூடுதல் கண்காணிப்பாளராக இருந்து ஒய்வு பெற்றார். அவருக்கு ஒரு வாசகனாய், படைப்பாளியாய் எனது வாழ்த்துக்களை தெரிவிப்பதுடன், அனைவரையும் இந்நூலை வாசிக்க பரிந்துரை நான் செய்கிறேன்.

        லில் இருக்கிறது.

                              சிறு வயது முதலே கலை ஆர்வம் கொண்ட ராமகிருஷ்ணன் பள்ளியிலும், கல்லூரியிலும் நாடக மேடை அனுபவம் கிடைத்தது. வாணியம்பாடி கல்லூரியில் படிக்கும்போது இலக்கிய கையெழுத்து பத்திரிக்கை நடந்த அக்காலக்கட்டத்தில் பேராசிரியராக இருந்த கவிக்கோ அப்துல் ரகுமான், பேராசிரியர் அப்துல் காதர் ஆகியோர் ஊக்கம் அளித்தனர். தமிழகத்தில் பெரும் ஆளுமைகளான தந்தை பெரியார், ஜீவானந்தம் போன்ற தலைவர்களையும் இக்காலகட்டத்தில் ராமகிருஷ்ணன் பார்த்து, பேசி இருக்கிறார். அக்காலக்கட்டத்திலே நடைபெற்ற தி.மு.க. மாணவர் எழுச்சி போராட்டங்களிலும் ஆர்வத்துடன் பங்கேற்றார்.  ராமகிருஷ்ணன் சப் இன்ஸ்பெக்டராக பயிற்சி முடிந்த பின்பு ட்ரைனிங்கிற்கு வாழப்பாடி காவல் நிலையத்தில் சேர்ந்தார்.

                         பயிற்சி பள்ளியிலே சமூக அக்கறையுடைய அசோகன் என்ற காவல் ஆய்வாளரிடம் பயின்றார். ராமகிருஷ்ணனுடைய அப்பா கோபாலன் சொன்ன வார்த்தைகள் நேர்மையாக இரு, எளிய மக்களிடம் கனிவுடன் நட, சீர்திருத்தக் காரணாக செயல்படு. நேர்மையாக இருப்பதனால் எற்படும் சோதனைகளை தாங்கி கொள், நல்ல மனிதனாக இரு என்ற அறிவுரையை தனது கடமையாக ஏற்று தனது காவல்துறை பணிகாலம் முழுவதும் ராமகிருஷ்ணன் கடை பிடித்தமையும், தமிழகம் முழுவதும் பல இடங்களில் வேலை பார்த்த அனுபவங்களையும் சுவரஸ்யமான நடையில் எழுதியமைக்காக இந்நூலை நிச்சயம் பாராட்டலாம். நேர்மையாக இருப்பதுயென்பது சோதனையையும், வேதனையையும் தரக்கூடிய வாழ்க்கை முறையாக நம் சமூகம் அமைப்பு மாற்றி இருக்கிறது.

                   கையூட்டு பேர்வழிகள் ஆடம்பர வாழ்வினையும், நேர்மையாளர்கள் சோதனைகளை சந்திப்பதும் நம் சமூக அவலம். மனசோர்வு அளிக்கும் நேர்மையான பாதையைப் பற்றிய மன விசாரணை இந்நூல் எங்கும் பிரதிபலிக்கிறது. இச்சோதனையில் வென்றவராய் ராமகிருஷ்ணன் இச்சுசரிதையில் நிற்கிறார். 2005ல் கூடுதல் கண்காணிப்பாளராக இருந்து ஒய்வு பெற்றார். அவருக்கு ஒரு வாசகனாய், படைப்பாளியாய் எனது வாழ்த்துக்களை தெரிவிப்பதுடன், அனைவரையும் இந்நூலை வாசிக்க பரிந்துரை நான் செய்கிறேன்.

        

Monday, June 09, 2014

சார்ளி சாப்ளினின் என் கதை:


சார்ளி சாப்ளினின் என் கதை:
*********************************************

இரண்டு நாட்களுக்கு முன்பாக சார்ளி சாப்ளினின் என் கதை வாசித்து முடித்தேன் !  220 க்கும் அதிகமான பக்கங்கள்..  190 ரூபாய்.யூமா வாசுகியின் அழகிய தமிழில் !
வறுமை வாட்டியெடுத்த குழந்தைப்புருவம் ,துயரத்தின் இருள்  துரத்திய  வாழ்க்கை.கணவனால் கைவிடப்பட்ட தாய்., நடிகையான அவளின் நாடக மேடை வாழ்வின் இறுதிநாட்கள்..இளமையிலேயே பட்டினித்துயரத்தால் தாய் ஹென்னா உடல் நலிந்தவளாய் ,மனச் சோர்வுற்வளாய்,நாடக மேடைக்கான  வளமான குரல் போய்  ,சிட்னி,சார்ளி என இரண்டு குழந்தைகளைப் பராமரிக்க முடியாமல் பட்ட பாடு ,நினைக்கவே நெக்குருகிறது .
ஹென்னா விற்கு மனச்சிதைவு அடிக்கடி ஏற்பட்டு மன நோய் விடுதியிலும்,சிறுவர்களிருவரும் அநாதை விடுதியிலும் தனித்தனியே பிரிந்து  வாழும் வாழ்க்கை,என பந்தாடப்பட்ட வாழ்க்கை சாப்ளினுக்கு !
துயரத்திலும் நகைச்சுவை உணர்வு மழுங்கிப் போய்விடவில்லை சாப்ளினுக்கு,பின்னொரு காலத்தில் மேடை நடிகனாகி புகழ்பெற்று,பின் மௌனப் பட  நகைச்சுவை   சக்ரவர்த்தியாய் அமெரிக்காவில் வளம் வந்து...,கோடிக்கனக்கில் சம்பாரித்து...என உலகம் எவ்வளவு அள்ளித்தந்தாலும் ,சாப்ளினை எதுவும் மாற்ற முடியவில்லை..!
தன சுதந்திர தாகத்தால் -கிரேட் டிக் டே ட்டர் , மாடர்ன் லைம்ஸ்,சிட்டி லைட் படங்கள் என வெற்றிப் படங்கள் தந்த போது அமெரிக்க முதலாளிளால் ,கம்யூனிஸ்ட் என நியாமற்ற முறையில் , முத்திரை குத்தப் பட்டு   துரத்தப்பட்ட துயரம்..,என சாப்ளின் தான் அமெரிக்காவை விட்டு வெளியேறிய வரை தன வாழ்நாளின் அனைத்து சம்பவங்களையும் நினைவு கூருகிறார்,. சாப்ளின்எதற்காகவும்  சமரசம் செய்தாரில்லை,,!தன வாழ்வின் மீதான கூரான விமர்சனங்களையும் ,காதல்,போராட்டம்,தனது மன வாழ்க்கை தோல்விகள்,30 வயதுஇளைய  ஊணா(  Oona O'Neill)வுடனா இனிய திருமண வாழ்வு..,வெற்றியின் உச்சம்  ,என தன வாழ்வின்அனைத்து  போக்குகளையும் அலசுகிறார்.....

அற்புத மனிதர் சாப்ளினின் வாழ்க்கை-என் கதை ,அருமையான இலக்கியத்தரமான சுயசரிதை  ,அனைவரும் வாசிக்க வேண்டிய நூல்..!

--சேகு​​ --

Friday, May 30, 2014

நூல்களுடன் எனது நாட்கள்..!

நூல்களுடன் எனது நாட்கள்..! 
***************************
என்னுடைய படுக்கையிலும், பக்கத்திளுமிருக்கின்றன ...
அரை வாசிப்பிளிருக்கும் புத்தகங்கள்..!
படிக்க தூண்டும் அத்தனை புத்தகங்களையும், 
வாங்கிவிடும் மனதும்,வசதியும் வந்துவிட்ட பிறகு 
தொட்டுத்தடவினாலே அசதிவந்துவிடுகிறது...
எதார்த்த வாழ்க்கையின், பதார்த்தமாகிப் போனதால்.. 
வயோதிக மன்னனின் அந்தப்புரத்தில் சேர்க்கப்பட்ட 
புதிய இளம் பெண் போல விழித்துக் கொண்டிருக்கின்றன
என் புத்தகங்கள் ...வாசிப்பவனுக்காக..!

--சேகு--

Sunday, May 25, 2014

கோச்சடியான் -குறைப்பிரசவம் :பிழைத்துக்கொண்டால் நலம்!



கோச்சடியான் -குறைப்பிரசவம்
---------------------------------------------------
கதை பரவாயில்லை ...
ரஜனி vs தொழில் நுட்ப அனிமேசன் ரஜினி -பாஸ் மார்க் ! அழகாக இருக்கிறார் ,ஆனால் அனிரூத் ரேஞ்சிற்கு பல இடங்களில் ஒல்லி!
கிராபிக் நாசர் பரவாயில்லை !
கிராபிக் நாகேஷ் பரவாயில்லை !
கிராபிக் தீபிகா படுகோன் - படு கோணலாக ,குட்டையாக ,உயிரோட்டம் குறைவாக ...
மோசன் கிராபிக் சில இடங்களில் நன்றாகவும்,பல இடங்களில் படு சாதாரணமாகவும் இருக்கிறது !
மற்ற கதா பாத்திரங்கள் ,படு சுமாராய்..., படுத்தி எடுக்கின்றன அதிலும் சரத்,ஆதி,சோபனா,பொம்மலாட்டம் நாயகி, எல்லோரும் பார்க்க பரிதாபம்..!
சண்டைக் காட்சிகளும்,பாடல் காட்ச்சி அமைப்புகளும் நன்றாக வந்திருப்பது ஆறுதல் ! வேகமான கதை(ரவிகுமார்),இசைப்புயலின் இசை,ரஜனி,நாசர் பாத்திரங்களின் அமைப்பு,குரல் ஆகியவை , படத்தை தாங்கிப்பிடிக்கிறது.
அனைத்தையும் மீறி ,மோசன் கிராபிக் துவக்கப்புள்ளியாக சொவ்ந்தர்யாவைப் பாராட்டலாம் . !
இன்னமும் மெனக்கெட்டிருந்தால் நன்றாக வந்திருக்க வேண்டிய படம்!
வண்ணத்தூரிகையில் வந்திருக்கும் சின்ன கிறுக்கல்!
இன்குபேட்டரில் உள்ள இந்த குறைப்பிரசவ குழந்தை பிழைத்துக்கொண்டால் நலம்!

Wednesday, May 21, 2014

காப்பாற்றும் கண்ணபிரானா? -மோடி !?

காப்பாற்றும் கண்ணபிரானா? -மோடி !? ---------------------------------------------------------------------- பிரதமராக கோடான கோடி வாக்குகள்,கோடான கோடி செலவினங்கள்,ஸ்பான்சர்கள் மூலமாக மோடி வென்றுவிட்டார்.மக்கள் பலத்தால் வென்றவரை வாழ்த்துவது மரபு.,என்வே சில, பல தயக்கங்களைமீறி வாழ்த்துவோம் ! புதிய அரசை குறைந்தது 100 நாட்கள் கழித்து விமர்சிப்பதே ஞாயமாக இருக்கும்.!ஆனால் வெற்றிக்காக இவர்கடந்துவந்த பாதை,கொள்கைகளை ஒரு பறவைப்பார்வை பார்க்கலாம். பாராளுமன்ற பி.ஜே.பி எம்பிக்கள் கூட்டத்தில் பேசிய மோடி 125 கோடி மக்களுக்காக பாடுபடுவேன் என்று சொல்லியபோது மகிழ்ச்சியாக இருந்தது,.ஆனால் பி.ஜே.பி மற்றும் அதன் சார்பு அமைப்புகள் பல வித மாக விதமுரண்பாடி, பெரும்பான்மை மக்களுக்கு ,சிறுபான்மை இஸ்லாமிய,கிருத்துவ மக்கள் அச்சுறுத்தலாக இருப்பது போன்ற மாயையை ஏற்படுத்துவதில் கொள்கையாகவும்,குறியாகவும் இருந்தன.ஆனால் குறிப்பாக இஸ்லாமிய மக்கள் வயிருவீங்கிய ,உடல் சிறுத்த சத்தற்ற உயிரனத்திற்கு ஒப்பாகவே இருக்கிறார்கள் . .உயர் கல்வியில் ,வேலை வாய்ப்பில் அரசின் அத்துணை துறைகளிலும் 5 சதவீதத்துக்கு கீழே இருக்கக்கூடிய இந்த சவலைப் பிள்ளையை ,பூச்சான்டியாய் சித்தரிப்பதில், சித்தாந்தப் பெருமை கொள்ளும் சங்க பரிவார் பெற்றெடுத்த முத்து தான் மோடி.தனது மண்ணைக் கூட முத்தமிடும் இவரிடம் சிறுபான்மை மக்களைப் பற்றிய ஆறுதலான ஒரு வார்த்தை , தவறிககூட வெளிவரவில்லையே !. நிச்சயமாக இந்திய மக்கள் மதவாதப் பாதையை தேர்ந்தெடுப்பவர்களில்லை ! ஏனெனில் இதுவரை இந்திய வரலாற்றில் ,மதவாதக் கட்ச்சிகள் பெரும்பான்மை பலம் பெற்றதே இல்லை.!பின் இந்த முறை என்ன நடந்துள்ளது?செல்லரித்துப் போன காங்கிரசின் வேதனை தரும் ஆட்சியிலிருந்து காப்பாற்றும் முகமாக இந்த காவரைத் தேர்வு செய்திருக்கிறார்கள்! .,இவருடைய முந்தைய வரலாறுகளைகே கூட புறம்தள்ளி ..! இதில் ஸ்பான்சர்களின்(பெரு முதலாளிகள்,அவர்களின் மீடியா பங்காளிகள் ) பங்கு முக்கியமானது..பெருமுதலாளிகளுக்கு வேரு கவலை!? குறைந்த விலையில்,குறைந்த வரியில் தங்களுடைய அகோர பசிக்கு காங்கிரஸ் தந்து கிழ டாகிப்போனதால்,சவாரிக்கு புது குதிரை வேண்டுமே! இந்நிலையில் பிரதமர் மோடி வறுமை இந்தியர்கள்,தலித்துகள்,சிறுபான்மை மக்கள் ,என கையறு நிலையில் இருக்கும் திரௌபதி களை காப்பாற்றும் கண்ணபிரானா? துகிலுரியப்பட்ட போது நெடுமரமாக நின்ற பீஷ்மாச்சாரியாரா? வரும் ஐந்தாண்டுகள் முடிவுசெய்யும்!

Sunday, February 23, 2014

சரியான தண்டனை எது?. சாகடிக்கப் பட வேண்டியது எது ? சிந்திக்கப்பட வேண்டிய கேள்வியாக ....!?

உயிப்பலி ,,படுகொலை செய்வது தனி நபர்களாக இருந்தாலும் , பயங்கரவாதமாக இருந்தாலும் தண்டனை வேண்டும் என்பதில் மாற்றுக் கருத்து இருக்கமுடியாது.எத்தகைய குற்றமாக இருந்தாலும் ,விரைந்த நீதி,தகுந்த தண்டனை என்பது அவசியத்தேவை.தண்டனை என்பது காலத்திற்கு காலம் மாறிவந்திருக்கின்றது .இனக்குழுக்களிடையே போர் ,படு கொலைகள் ,பழிக்குப் பழி வாங்கல் என்பது நீண்ட நெடுங்காலமாக தொடர்ந்து வந்திருக்கிறது. ஆனால் மரணம் தான் பரிசு என்பதனால் அந்த விளை ( கொலை)யாட்டை செய்வதற்கு மனிதர்கள் பயந்து நடுங்கியாதாக வரலாறு சொல்லவில்லையே !.விட்டில் பூச்சியாக மனிதர்கள் வீழ்ந்துதானே வந்திருக்கிறார்கள் !கலிங்கப் போருக்கு பிந்தைய அசோகர் மனமாற்றம் வரலாற்றில் பதிவாகியுள்ளதே !முதலாம் ,இரண்டாம் உலகப் போரில் மாண்ட மனிதர்கள் 7 கோடிக்கு மேல்.மரணத்திற்கு தண்டனை யாரையும் பயமுறுத்தியதாக தெரியவில்லையே! ஒவ்வொரு படுகொலைக் க லத்திலும் பற்பல மூலைச் சலவை உயிர்த் தியாகங்கள் இருந்திருக்கின்றனவே. ராஜ புத்திர வீரர்களின் போர் வீரம் நமக்குத்தெரியும்,அவர்களுக்கு போரின் முன்னதாக கொடுக்கப்படும் அபின் அவர்களின் மரணபயத்தை ம்றத்துப் போக செய்திருந்திருக்கிறது.அபின் களின் வடிவங்களில் வேறு சில மாற்றங்களாக அவற்றின் இடத்தில் சில தத்துவங்கள்,மதக் கொள்கைகள் அவ்வளவுதான்.இவர்களின் பாதகச் செயல்களுக்கு பின்னாலும் சமூகத்தில் ,ஒரு சுதந்திர வாழ்வு வாழ்ந்து குற்ற உணர்வுடனோ,பலர் குற்றுணர்வு இன்றி பெருமிதமாக பல பதக்கங்களுடனோ வாழ்ந்து மறைந்திருக்கிறார்கள் ..!? சரி தனி ந நபர் வன்செயல்களைப் பார்ப்போம் : குற்றவாளிகளில் பலர் சில மணி நேரத்தில்,சில நாட்களில் தங்களுடைய தவறை உணரும் மன நிலைக்கு வந்துவிடுகிறார்கள் .அவர்களை தண்டிக்கலாம் ,ஆனால் தண்டனை எப்படிப்பட்டதாக இருக்க வேண்டும்?கொடூரமானதாக இருக்க வேண்டுமா? அதனால் என்ன லாபம்? அவர்களைச் சார்ந்தவர்களின் நிலை என்ன? அவர்களின் குடும்பம் என்னவாகும்? மடமைக்கு மடமைதான் மருந்தா?....கொடூரமான தண்டனைகள் புதிதாக குற்றம் செய்வோரை பயமுருத்துமா?எதைப் பற்றியும் பயமற்ற மிருக நிலையில் தவறு செய்பவர்கள் மரண பயமற்ற மன நிலையிலேயே செய்கிறார்கள்..தூக்குத்தண்டனையை பயமற்றே பலரும் eற்றுக்கொள் கிறார்கள் (பகத்சிங்,சதாம் உசேன் போன்ற அரசியல் தலைவர்களாகட்டும்,அல்லது 100 கொலை செய்த சில கு ற்ற வாliகலாகட்டும்) .பார்க்கும் அப்பாவிகளை பயமுறுத்தி என்ன பயன்.? இன்னும் சில கேள்விகள்:தற்காப்புக்காக கொலை செய்யும் சில அறிய நிகழ்வுகளுக்கு பயங்க்ர தண்டனை தருவது சரியாகுமா? பெண்களை கவுரவ கொலை செய்வது அவர்களின் இரத்த சொந்தங்களே! இந்த அம்புகளை எய்வது யார்? அம்புகளை மு்றி ப் பதால் நீதி கிடைத்துவிடுமா?( ஆருஷி கொலை வழக்கில் குற்றவாளிகள் -அவர்களின் பெற்றோர்கள்!?) காதல் மனம் புரிந்தவர்களை கொல்லும் கப் பஞ்சாயத்துகளுக்கு மரணதண்டனை கொடுக்கலாம் தான்! ஆனால் அவர்களும் அம்புகல்தானெ! சில ஆயிரம் ஆண்டுகள் நடை பெற்று வந்த உடன்கட்டை சம்பிரதாயம் கொலைகுற்ற வாளி க் கூண்டில் நிறுத்தி சாகடிக்கப் பட வேண்டும் என்பதேசரி!. ...சாகடிக்கப் பட வேண்டியது எது ? சிந்திக்கப்பட வேண்டிய கேள்வியாக ....!? சில தகவல்கள்:நம் நாட்டில் நடை பெரும் தற்செயல், திட்ட மிட்ட படுகொலைகளை விஞ்சி நிற்கும் கீழ்க்கண்ட படுகொலைகளுக்கு என்ன தீர்வு?:***“:::: (தி ஹிந்து தமிழ் 20.02.14-செய்தி: "உலகில் சாலை விபத்துக்களில் மரணமடைவோர், காயமடைவோர், ஊனமுறுவோர் எண்ணிக்கை ஆண்டுக்காண்டு கூடிக்கொண்டி ருக்கிறது. வெளிநாடுகளில் சாலை விபத்துக்களில் பாதிக்கப் படுவோரை காப்பாற்றும் பொறுப்பும் செலவுகளும் அரசைச் சார்ந்தது என்பதால், அவை மக்களிடம் விழிப்புணர்வை ஏற்படுத்தி விபத்துக்களைக் குறைத்துள்ளன. இந்தியாவில் விபத்துக்களில் பாதிப்புக் குள்ளாவோர் பெரும்பாலும் தனியார் மருத்துவர்களிடமே செல்கின்றனர். இந்த விஷயத்தில் அரசு அக்கறை கொள்வதாகத் தெரிவ தில்லை. அதைச் சரிசெய்ய வேண்டுமென்றால் சாலைகளைச் சரிசெய்ய வேண்டும். அதில் குன்றுகள் இருத்தலாகாது. போக்குவரத்து ஒழுங்கு காப்பாற்றப் படவேண்டும். இங்கே சாலை போடுவது நெடுஞ்சாலைத்துறை என்றால் அதில் மின்சாரக் கம்பங்கள் போடுவது மின்வாரியத்துறை. சாலையைப் பராமரிப்பது இன்னொரு துறை. எனவே ஒருங்கிணைப்பும் அக்கறையும் இருப்பதில்லை. அதனால்தான் சாலை விபத்துக்களில் ஆண்டு தோறும் லட்சக்கணக்கில் மக்கள் இறக்கின்றனர். ஆண்டுதோறும் 2 லட்சம் பேர் முதல் உலக யுத்தத்தில் கூட இறக்கவில்லை. சுனாமியில் கூட 9 ஆயிரம் பேர்தான் இறந்தனர். ஆனால் சாலை விபத்தில் 10 ஆயிரம் பேர் தமிழ்நாட்டில் மட்டும் இறக்கிறார்கள். 40 ஆயிரம் பேர் கை, கால்களை இழந்து முடமாகிறார்கள். “திருமணமாகி ஒரு வாரமேயான மணப்பெண் கணவனை இழப்பது, ஒரே பையனை வைத்துள்ள பெற்றோர் தன் வாரிசை இழப்பது, குழந்தை மட்டும் இருந்து பெற்றோர்களை இழந்து குழந்தை தவிப்பது எல்லாமே தினம் தினம் கண்டு மனம் நொந்துபோன மருத்துவர் நான். பார்த்துப் பார்த்து மனம் புழுங்குவதை விட இதற்கு ஒரு தீர்வு காணவேண்டும் என்றே 18 மாதங்களுக்கு முன்பு நீதிமன்றம் சென்றேன் . நீதியரசர்கள் முன் இந்த விஷயத்தை அரசாங்கமே ஒப்புக்கொண்டுள்ளது. மத்திய, மாநில அரசுகள் இணைந்து இந்த விபத்துக்களை ஒழிக்க தீவிர நடவடிக்கை எடுக்க வேண்டும் என்று வழிகாட்டுதல் செய்துள்ளது. அடுத்தது உறுதிப்பாடான ஒரு தீர்ப்பு வரும் என்று எதிர்பார்க்கிறோம்” என்று டாக்டர் ராஜசேகரன் எமது நிருபர் கா. சு. வேலாயுதத்திடம் தொலைபேசி மூலம் தெரிவித்தார்.) ------------------------- ********* எழுத்து தவறுகளை மன்னிக்கவும் ****